Шеќерна волна, лижавчиња од прегорен шеќер - омилените десерти од детството

Повремено кога шетам низ Градскиот Парк во Скопје, ќе го почувствувам мирисот на прегорен шеќер од тазе шеќерната волна кој веднаш ме враќа во детството.

И знам да кажам: „Леле колку сакав шеќерна волна!“, а на прсти можам да избројам колку пати ми била купена – бидејќи нели, не е здраво за забите.

Истото важи и за зашеќерените јаболка. Во наше време, немаше избор на слатки како денес и она што беше на располагање беше прилично едноставно.

1. Шеќерна волна на стапче во бела, сина или розова боја.

2. Зашеќерени јаболка во вид на лижавче.

3. Лижавчиња од прегорен шеќер – овие знам дека од мерак и дома ги имаме подготвувано.

4. Рум штангли, крем банани и чоко локум – кога ќе ги донесеше мајка ми тазе после работа.

5. Едноставен, домашно подготвен пудинг.

6. Рендано јаболко со шеќер и цимет – мој омилен десерт.

7. Еурокрем од чашката со очиња намачкан на обични бисквити.

Прочитајте и: Милје, килими, најшарените шолји за кафе: Кај баба и дедо дома... (фото)

Е. П. | Црнобело