Не, уште не сум трудна и „да“ работиме на случајот ама не е „плукни – залепи!“

Веројатно празниците се оние денови кога голем дел од вас добивте честитки од типот „Па ајде годинава едно бебенце“, „Работите ли на случајот“, „Годинава и братче да си дочека Мила“ и сл.

фото: Инстаграм

Честопати од причина да бидете културни одговарате „Да, важи“, „Ќе биде, да сме живи и здрави“, „Имаме други планови“ – но, никој не го гледа она што лежи во позадина.

Никој не помислува на бројните негативни тестови за бременост во текот на целата година.

На планот за „сексуални односи“ кој ви го направи вашиот гинеколог.

На купот инјекции кои ги примивте при второто Ин витро.

На фактот што апсолутно ја изгубивте желбата за секс во меѓувреме заради сите притисоци од страна.

На тоа дека едноставно, можеби и ќе се помирите дека не сте во можност да имате дете.

На болката во градите кога ги гледате мајките со бебиња наоколу.

На солзите кои ви доаѓаат секогаш кога некој ќе ве „подбуцне“ со овој тип на прашања.

Не сте сами и не сте единствени.

Научете се да ги игнорирате сите кои се обидуваат да се мешаат во вашата приватност.

Одберете да не слушате совети од луѓе од кои не сте ги побарале.

Одберете да бидете среќни и да живеете и уживате во секој нов миг и ден.

©CRNOBELO.com Забрането преземање и копирање. Крадењето на авторски текстови е казниво со закон.

Е. П. | Црнобело