Секој ден треба да е твој, а не само 8-ми Март да го живееш во спокоj…

Најчесто, на Балканот, те множат со нула, но ти можеш да изградиш и кула.

Со својот неумор, непокор и сила, заслужуваш ѕвезди, злато и свила.

А, ти, немој најчесто да се задоволуваш со ронки, тоа не е судбината на сите Македонки.

Им веруваш на коментарите лоши, на погрешни луѓе се трошиш.

И заслужуваш љубов 365 дена, а не еден цвет што брзо овена.

Ти си мудра, моќна и силна, иако многумина сакаат да те видат бескрилна.

И се бориш за место, од мигот на раѓање, животот потсетува на константно паѓање.

Но, секој ден е нова борба и ќе ти кажам нешто во доверба:

Треба да си почитувана и љубена, а не игнорирана и огрубена,

Секој ден треба да е твој, а не само 8 Март да го живееш во спокој.

И вредиш многу повеќе отколку што мислат за тебе, крени ја главата високо, помисли овојпат на себе.

И чувај си го срцето, безмилосно ти го гмечат, не дозволувај во игрите да те вовлечат.

И храни си ја душата со она што ти треба, не дозволувај никаква злоупотреба.

Ќе ти кажат – ова е твојот ден, но СИТЕ денови се твои; живеј ги во спокој, со љубов обој ги.

И не заборавај најмила, ти си најважна на светот, секој што те третира поинаку – е будала на векот.

Содржината и ставовите изразени во авторските текстови и колумни претставуваат лични ставови на авторот и не мора нужно да ги одразуваат ставовите на редакцијата на порталот CRNOBELO.com

©CRNOBELO.com Забрането преземање и копирање. Крадењето на авторски текстови е казниво со закон.

(О)Милена | Црнобело