Зошто го сакам Градскиот парк во Скопје?

Затоа што е убав во секое годишно време.

Затоа што таму полнам батерии и празнам глава.

Затоа што некои клупи ми ги раскажуваат најубавите мигови од младоста.

Затоа што одев боса низ него после бурна диско ноќ во летните локали.

Затоа што ми враќа мирис на детството кога се возев и забавував на реквизитите во Луна паркот.

Затоа што уживав во миговите минати на Панормското тркало.

Затоа што е преполн со вљубени парови, насмеани дечиња, луѓе со миленици.

Затоа што сечие лице изгледа порелаксирано среде таа прекрасна природа и сите барем на миг забораваат на животните проблеми и товарот на своите плеќи.

Затоа што сакам да седам покрај езерцата и да гледам како небото се огледува во нив.

Затоа што ми е блиску до дома, а ми полни батерии како да сум појдена на некое далечно планинско излетничко место.

Затоа што тука ги лечам моите немири за миг.

Затоа што е бегство од бетонското сивило на Скопје.

Затоа што има најубаво кафе, најшарени сладоледи и највкусни палачинки.

Затоа што дише во ритамот на Скопје.

Затоа што колку пати и да го посетам секој нареден пат откривам нова негова убавина.

Затоа што за мене секој час минат таму е еднакво на ништо помалку од чиста среќа.

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело / Фото: С. С.