Скопје мое! Те сакам тебе и твоите липи на Партизанска, јапонски цреши на Максим Горки и калдрмата во Чаршија

Ах, тие твои магични кафулиња на секое ќоше, сончевите денови, Воднооо, Градскиот парк, кој ми е храм за душава, Матка, гордоста наша пред светот и да, ти си мој роден град и роден град на моето дете и ниту еден друг не може да те замени...

фото: приватна архива

Скопје те сакам:

Поради мирисот на липите на Партизанска...

Поради расцветаните јапонски цреши на пролет на Максим Горки...

Поради калдрмата во Старата скопска чаршија, која приказни раскажува...

Поради Градскиот парк, кој е храм за душата...

Поради велосипедските патеки на кејот на Вардар...

Поради магичните кафулиња со по неколку маси на секое ќоше...

Но, и преполните кафеани во секој ден од седмицата...

Поради населбите каде уште урбанизацијата не го уништила зеленилото, локалните игралишта и клупите на кои се потпишани стари љубови (С+Б)...

Поради Водно, ах колку ни е блиску, а како релаксира...

И не само за планинарање, туку и за лабави седенки и чиа пудингот за појадок таму, како и грееното винце за ноќните забави...

Поради тоа што си мој роден град и роден град на моето дете и ниту еден друг град на светот не може да те смени...

Поради огромниот број на сончеви денови во годината....

Поради тоа што имаш населби како мојата и си урбано и кул со тон локали само што ќе излезам од влез...

Поради градските фаци кои живеат во тебе и со своите приказни (за CRNOBELO.com) прават одново да се вљубиме во тебе...

Поради тоа што не си ниту премал, ниту преголем – туку си совршен за мене...

Поради тоа што во тебе сосема спонтано си ги среќавам и другарките од забавиште и учителката од градинка...

Поради тоа што само еден град на светот има улици за моите чекори... („Ова е само наше Скопје“ и уште 10 песни посветени на нашиот град)

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело