Факти за јутуберката Настја (9): Родителите дале отказ откако заработила милиони

Настја била многу срамежливо и повлечено дете, а лекарите ги охрабриле родителите да ѝ помогнат да почне да ги развива своите таленти за глума.

Тие препорачале родителите да почнат да снимаат видеа со девојчето за да може да се ослободи од стравот од комуникација со надворешниот свет.

Така, видеата станувале сѐ по забавни, а Настја почнала да покажува една своја непозната страна за која никој не знаел. По ова, родителите дошле до идеја нивната ќерка да почне да отвора некои од најпопуларните играчки во тој период.

Набрзо сфатиле дека станува збор за мошне профитабилен бизнис, па воопшто не штеделе на играчки, а ги напуштиле и своите работни места за целосно да се посветат на видеата на Настја.

Шест месеци по објавувањето, семејството почнало да го гледа профитот. Каналот Like Nastya на Јутјуб имал над 86 милиони претплатници, а некои видеа биле прегледувани и над 300 милиони пати.

По ова, семејството одлучило да се пресели во Мајами, од каде денес ги снимаат своите видеа, што се омилени меѓу децата во целиот свет. Освен заработката на Јутјуб, се претпоставува дека семејството заработува солидно и од партнерствата и спонзорства.

Б. С. Б. | Црнобело