„Не ја сфаќам опседнатоста на фановите со Силви во ‘Emily in Paris’“: Која е харизматичната Филипин Лерој Болие?

Татко ѝ е познатиот актер Филип Лерој, а мајка ѝ била модел, Франсоа Лоран

Иако детството го поминала во Италија, на 16 години се вратила во Париз за да студира глума, и покрај противењето на татко ѝ

Првата улога ја добила на 20 години во комедијата Surprise Party, а две години подоцна, била номинирана за престижната награда Цезар, за надежна млада актерка, за улогата во филмот Trois hommes et un couffin

Истиот филм добил и номинација за Оскар за најдобар филм од неанглиско говорно подрачје.

Иако има одиграно над 50 улоги, ниедна не е толку препознатлива како онаа на Силви, сопственичката на ПР и маркетинг агенција во Emily in Paris

„Поминаа 4 години од премиерата на серијата, а јас и понатаму не ја сфаќам опседнатоста на фановите со ликот на Силви“, кажа актерката неодамна, додека беше на американска промоција на серијата со дел од екипата.

Филипин успешно ги балансира кариерата и приватниот живот

Таа има две деца, ќерката Тана и синот Луи, но ги држи подалеку од јавноста и многу ретко споделува семејни фотографии на своите социјални мрежи.

Актерката обожава тенис, а омилен тенисер ѝ е Новак Ѓоковиќ, па поддршката кон него често ја покажува и на Инстаграм, каде што објавува негови фотографии

Во приватниот живот се облекува слично како Силви и вели дека модата отсекогаш ѝ била голема љубов

А. Ј. | Црнобело