Го обвини за силување, па се премисли: Факти за бракот (и скапиот развод) на Доналд и Ивана Трамп

Се разведоа бидејќи Доналд имаше афера, а по бурниот развод кој траеше две години, го подобрија односот и останаа мошне блиски, сè до смртта на Ивана во 2022-ра.

Доналд Трамп се женел трипати, а неговата првата сопруга е Ивана Трамп.

Заедно беа 12 години, а и покрај бурниот развод, останаа блиски до нејзината смрт.

Неколку детали за нивната љубовна врска:

Се запознале во Њујорк, во ресторан

Кога го запознала Доналд, Ивана работела како инструкторка за скијање во Монтреал.

Но, нашла и работа како модел во Њујорк и додека била во ресторан со неколку колешки, го запознала Доналд.

Тој прв ѝ пришол, се погрижил да ја добие најдобрата маса во ресторанот и почнал да разговара со неа.

Ивана има изјавено дека Доналд бил мошне учтив, не пробувал да флертува со неа и го опиша како „вистински џентлмен“.

Доналд инсистирал да ја однесе на состанок

Ивана не била заинтересирана за врска, но Доналд пробувал да ја освои.

Неколкупати ја однел на вечера, ѝ пратил 100 рози, а кога таа се вратила во Монтреал, ѝ се јавувал секој ден.

Еднаш дури и отишол во Канада со неговиот приватен авион само за да ја види.

Конечно, Ивана паднала на неговиот шарм и почнале врска.

Се венчале речиси веднаш

Кратко откако ја почнале врската, Доналд ја однел на зимување во Аспен каде што наводно ѝ рекол:

„Ако не се венчаш со мене, ќе ти го уништам животот“.

Иако биле заедно само неколку месеци, Ивана се согласила.

Тие се венчале три месеци подоцна, а Ивана останала бремена на нивниот меден месец во Мексико.

Додека беа заедно, тие добија три деца – Доналд Џуниор, Иванка и Ерик.

Беа и бизнис партнери

Многумина велат дека Ивана има огромна заслуга за успехот на Доналд.

Иако тој потекнува од моќно и богато семејство, тоа што Ивана му била бизнис партнер додека беа во брак му помогнало многу.

Ивана имала удел во градењето на империјата со недвижнини на Доналд i била одговорно лице во изградбата и на неговата позната Trump Tower.

Продолжува на следната страница...