Татко му бил во затвор за убиство, мајка му била зависна од хероин – Тешкото детство на „најзгодниот затвореник во светот“

Фотката што го прослави е направена по апсење

Во 2014 година, Џереми бил уапсен за кражба и поседување оружје, а фотката што му ја направиле во полиција е таа што го прослави.

Додека го чекал судењето, Џереми почнал да добива по 300 писма дневно, а некои фанови му праќале и пари.

На крај, тој добил 27-месечна затворска казна, наместо 63 месеци како што се предвидувало.

А, Џереми вели дека судијата му излегол во пресрет за да му овозможи да си ја искористи популарноста и со тоа да си го среди животот.

„Едиственото нешто што ме спаси тогаш беше судијата. Ми помогна на многу начини“.

Каде е и што прави денес?

Откако излезе од затвор, Џереми почна кариера како модел и, на големо изненадување на сите, почна и врска со ќерката на сопственикот на Topshop – Клои Грин.

Претходно, тој беше во брак со друга жена, со која доби детe.

Во 2018 година добија син и со Клои Грин, но веќе следната година се разделија.

Пред неколку години, Џереми откри дека заедно се грижат за син им.

„Сингл сум пробувам да се фокусирам на себе. Имаме одличен однос со Клои. Заедно се грижиме за нашето дете.

Во добар однос сум со двете мајки на моите деца. Тие се неверојатни“.

Џереми напиша и мемоари кои треба да бидат издадени годинава

„Сега сум во период од животот кога сакам да ја раскажам мојата приказна, целата приказна, со надеж дека луѓето ќе се поврзат со неа“, изјави тој за книгата.

Истовремено, тој се ангажира во добротворни акции, најмногу за едукација на младите со цел да ги оттргне од лошиот живот што порано го избрал тој.

„На децата им е потребно образование и луѓе на коишто можат да се огледаат.

Ова е сериозен проблем, особено каде што пораснав јас“.

Спирова С. | Црнобело