За мајка ѝ велат дека е трансродово лице, очувот ѝ е помлад од сестра ѝ - Која е ќерката на Брижит Макрон?

Иако ситуацијата била болна за нивното семејство, Тифен денес ја опишува како нешто што ѝ дало можност да порасне и да ги прошири своите хоризонти.

Таа студирала право на Пантеон-Сорбона, специјализирала за трудово право и го положила правосудниот испит во 2009 година.

Почнала да работи во регионот на горна Франција, во Лил и Булоњ-сур-Мер, бранејќи ги работниците и синдикатите.

Во 2020 година ја основала адвокатската канцеларија Challenges Avocats каде што е адвокат и партнер.

Во март 2024 година, го објавила својот прв роман, Assises, судска драма инспирирана од нејзините искуства како адвокат, а фокусирана на прашањето за семејното насилство.

Истата година, таа се приклучи на популарното телевизиско шоу Touche Pas à Mon Poste како редовен соработник на правни теми.

Има две деца и беше во брак со Антоан Шато, но се разведоа на почетокот на 2025 година.

Според француските медиуми, причината за ова е аферата на Тифен со водителот Сирил Хануна, но, тоа досега не е потврдено.

Инаку, Тифен честопати јавно ја бранела својата мајка од навредливи и неосновани озборувања, а најгласна е против тврдењата дека Брижит Макрон е трансродово лице по име Жан-Мишел.

Во интервјуата, таа често ја истакнува опасноста и разорниот ефект на дезинформациите и ги поддржува тужбите што Брижит ги покренала против лица кои шират такви лаги.

А. Ј. | Црнобело