Ѝ раскина кога почна да се заљубува во неа - Љубовната приказна на Иванка Трамп и Џаред Кушнер

Неколку месеци подоцна, тие се сретнаа на крстарење по Медитеранот и набрзо ја продолжија својата врска.

Со текот на времето, Иванка му дала до знаење дека е отворена за можноста да се преобрати во јудаизам.

Парот почнал да се среќава со рабин, да вечераат заедно за Шабат, да се подготвуваат за преобратувањето на Иванка.

И како што врската станувала посериозна, така дошол моментот Кушнер да се сретне со нејзиниот татко.

Во мемоарите, Џаред пишува дека почувствувал како му трепери гласот додека на Доналд Трамп му објаснувал дека веќе е Иванка е во процес на преобратување.

„Зошто мора таа да ја смени религијата? Зошто ти не можеш?“ го прашал Доналд својот иден зет, а тој, пак му одговорил дека Иванка сама ја донела оваа одлука.

„Тоа е одлично. Повеќето луѓе и онака мислат дека сум Евреин. Многу мои пријатели се Евреи. Имам многу награди од синагоги. Ме обожаваат во Израел“, заклучил Трамп по ова..

Иванка успеа во својата намера да ја смени верата во 2009 година, по темелни подготовки - го доби хебрејското име Јаел.

Иванка го опиша ова искуство како „прекрасно патување“, во кое имала голема поддршка од своето семејство.

Иванка не ја прифати религијата на својот сопруг само симболично, туку денес е многу посветена на сè што носи таа со себе.

Па така, од петок навечер до зајдисонце во сабота, тие се исклучуваат од остатокот од светот како семејство и уживаат во времето што го поминуваат заедно, зашто Шабат е време за одмор, ресетирање, за најблиските и почнува во петок навечер, а завршува во сабота вечер (и во овој период не смее да се работи).

„Ние не правиме ништо во ова време, освен да се дружиме едни со други. Не се јавуваме на телефон. Неверојатно е што кога сте толку поврзани, навистина „се одвојувате“ од сè“, рекла Иванка за Vogue.

Кушнер вели дека неговата сопруга ги прифатила сите ритуали, па дури и научила да готви.

„Ми рече: ‘Ако го славиме Шабат, јас ќе готвам’. Никогаш порано во животот не готвела, а сега стана одличен готвач.

Кога почнува да прави вечера во петок, ќе ги исклучуваме телефоните 25 часа. Ако го тргнеме настрана верскиот аспект, ние живееме во премногу брз свет“, кажат тој.

Иванка и Џаред се венчаа во голф-клубот на нејзиниот татко во Њу Џерси, на огромна церемонија со голем број гости.

Денес парот има три деца - најстара е ќерката Арабела Роуз, која е родена во 2011 година, а потоа го добија синовите Џозеф Фредерик (13) и Теодор Џејмс (9).

А. Ј. | Црнобело