Живеј како денес да ти е најсреќниот ден

Постојано сме незадоволни од работата, животот, децата... без притоа да помислиме колку сме среќни што ги имаме во нашиот живот.

Се сеќаваме на сите лоши работи кои ни се случиле во животот и одново и одново поминуваме низ нив, размислувајќи дали ако направевме нешто поинаку немаше да се случи сето тоа.

Во таквите моменти застанете и помислете на себеси, помислете на сето она кое го имате, а го сфаќате здраво за готово. Затоа денес помислете на сево ова...

Денес, пред да помислите да кажете некој лош збор - помислете си на некој кој не може да зборува!

Пред да се пожалите од својот сопруг или сопруга - помислете на некој кој плаче во осаменост секоја ноќ!

Денес, пред да се пожалите од неправедниот живот - помислете на некој кој отишол на небото премногу рано, уште пред да го проживее својот живот!

Пред да се пожалите од децата - помислете на некој кој сака деца со сето свое срце, повеќе од сè друго на светот, но не може да има сопствени!

Пред да се пожалите за тоа дали куќата ви е исчистена или не - помислете на некој кој живее на улица!

Пред да се пожалите за растојанието што треба да го извозите - помислете на некој кој треба да го помине истото тоа растојание, потпирајќи се на своите нозе!

И кога депресивните мисли ќе се појават во вашата глава – само насмевнете се и бидете благодарни! Вие сте живи и постоите!

Животот е подарок. Живеј го! Уживај во него! Радувај му се! Исполни го!

Живеј за денес, живеј како да е најсреќниот ден.

Погледни околу себе и помисли дали има смисла да се вознемируваш за тоа што поминало и за она што претстои.

Ти во моментов си жив и здрав и никој не е среќен како тебе!

М. С. | Црнобело