Потта на гладијаторите била афродизијак - занимливости за древниот Рим кои не ги учевме на часовите по историја

Стариот Рим и неговата цивилизација и до денешен ден ги воодушевуваат историчарите низ светот.

Се чини дека тоа е дел од историјата кој е толку богат, што секогаш има нешто ново да се открие и научи. Во тоа време, луѓето живееле во многу поинакви услови од денешните, а некои настани, сфаќања и ритуали се прилично бизарни и шокантни.

Сепак, сето тоа е веќе историја.

Борби на гладијаторите - забава од втор ред

Иако прва асоцијација за Рим се токму гладијаторите, тоа всушност не била примарна забава за римјаните. Тие повеќе сакале да гледаат трки на кочии во Циркус Максимус, каде во публиката имало и до 250.000 луѓе.

Не се потресувале околу смртноста

Просечен животен век во стар Рим бил околу 30 години. Смртноста на новороденчињата била многу висока, а и често жени умирале на породување. Исто така, голем број смртни случаи се последица на тешки болести или убиства.

Римското не е најголемото царство во историјата

Римското царство дало најзначаен придонес во историскиот развој, но по големина е трето по ред, веднаш под Британското и Монголското царство.

Сатурналија - кога робовите стануваат господари и обратно

Еднаш годишно, на празникот Сатурналија, робовите и владетелите си ги менувале улогите. Овие настани биле раскошни, но резервирани само за римските елити.

Имале многу богови посветени на тоалетот

Тоалетите биле луксуз во тоа време, но римјаните сепак имале некаква канализација. Но, тоа не ги спречило да имаат богови на канализацијата, тоалетите и изметот.

Имале заеднички јавни тоалети и делеле сè

Мермерни клупи со дупки, вака изгледале некогашните тоалети каде старите римјани вршеле „долга нужда“. Она што е бизарно е дека користеле долг стап со сунѓер на врвот за бришење, кој само се перел во вода пред да го користи некој друг.

Пот од гладијатор како лек и козметика

Наводно, жените од стариот Рим биле опседнати со потта на гладијаторите. Тие верувале дека ако се мачкаат со нивната пот, ќе имаат нежна кожа, ја сметале како афродизијак, а мислеле и дека неколку капки гладијаторска крв лечат епилепсија.

Е. Д. | Црнобело