„Лудилото е наследно – го добивате од децата“ – најубавите и најсмешните цитати за мајчинството

Секоја вечер, речиси без исклучок, мајката лежи сосема исцрпена на креветот, свесна дека утрешниот ден ќе биде дежа ву на денешниот.

Сепак, за извршување на мајчинските должности не е потребна некоја особена мотивација, еден поглед, збор или прегратка од малото срце се доволни да ја сфатите смислата на извршувањето на сите родителски задачи.

Прочитајте ги најслатките цитати за мајчинството и одберете си омилен кој ќе ве потсети дека овие мали се најслатките, дури и кога чувствувате дека ви е претешко:

„Одлуката да имате дете е навистина важна. Тоа значи дека сте донеле одлука дека вашето срце засекогаш ќе биде надвор од вашето тело“ – Елизабет Стоун

„Чистењето на домот додека децата се во него е исто што и чистењето на снегот додека тој сè уште паѓа“ – Ерма Бомбек

„Изразот ’вработена мајка‘ е плеоназам“ – Џејн Селман

„Мајчините раце се поутешителни од чии било други“ – Принцезата Дајана

„Лудилото е наследно, го добивате од децата“ – Сем Левенсон

„Мајчинството е еден вид експеримент за тоа колку долго може телото да функционира без сон и грижа, движејќи се исклучиво со помош на адреналин, кофеин и бебешки насмевки“ – Непознат автор

„Доколку детето никогаш не ве презрело, никогаш не сте ни биле родители“ – Бет Дејвис

„Мајката секогаш мора да мисли два пати: еднаш за себе и еднаш за своето дете“ – Софија Лорен

„Да се има деца помалку наликува на животот во студентски дом. Секаде е лепливо, а не сте сигурни што го предизвикало тоа“ – Непознат автор

„Мајката е личност која кога ќе види дека останале 4 парчиња торта, а присутни се 5 луѓе околу неа, брзо ќе проговори дека никогаш и не сакала многу торта“ – Тенева Џордан

„Да се биде мајка значи да се научи силата која не сте знаеле дека ја имате и да се носите со стравовите за коишто не сте ни знаеле дека постојат“ – Линда Вутен

(О)Милена | Црнобело