„Ненасилството е моќно и праведно оружје“ - 7 инспиративни цитати на Мартин Лутер Кинг

Мартин Лутер Кинг бил познат поборник за граѓанските права, кој во 60-те години на минатиот век се борел за еднаквост на Афроамериканците и подобрување на нивната позиција во САД.

Лутер Кинг бил познат по своите инспиративни говори, а најпознатиот (I have a dream) го одржал во Вашингтон на 28 август, 1963 година. 

Ова се 7 инспиративни цитати на Мартин Лутер Кинг:

„Функцијата на образованието е да нè научи да размислуваме интензивно и критички. Интелигенцијата и создавањето карактери се целите на вистинското образование.“

„Сè што директно влијае врз поединецот, индиректно влијае врз сите заедно. Никогаш нема да станам она што сакам, сè додека ти не станеш она што сакаш. Тоа е меѓусебно поврзаната структура на нашата реалност.“

„Историјата ќе забележи дека најголемата трагедија на овој период на социјална транзиција не била острата реакција на лошите луѓе, туку ужасната тишина на добрите луѓе.“

„Најважното прашање во нашите животи е - Што е тоа што го правиме за другите?“

„Никогаш не подлегнувајте на искушението на горчината.“

„Ненасилството е моќно и праведно оружје. Тоа е единственото оружје во историјата што сечe без да повреди.“

„Во пеколот е резервирано посебно место за оние кои се неопределени во време на голем морален конфликт.“

Ашера | Црнобело