На никој од актерите не му се допаднала романсата на Рејчел и Џои - Интересни факти за серијата „Friends“

Кога станува збор за телевизиски серии, мал е бројот на оние кои оставиле вистинско наследство во индустријата.

Една од нив е, се разбира, „Friends“.

Серијата го следи животот на шест пријатели кои се обидуваат да се пробијат во Менхетен. Милиони луѓе ширум светот уживаа во дружбата и разговорите на Рејчел, Рос, Моника, Чендлер, Џои и Фиби и со дури 10 сезони, серијата ни за момент не го изгуби својот квалитет.

Деновиве видовме неколку најави за можно обединување на актерите – нешто што фановите го чекаат уште од последната епизода на серијата.

А, додека ја чекаме потенцијалната нова епизода, дознајте нешто повеќе за она што се случувало зад сцените:

Продуцентите мислеле дека серија како „Friends“ не би била успешна

Дејвид Крејн, еден од креаторите на серијата изјави:

„Кога првпат ја продадовме серијата, имаше негодувања за серија која раскажува само за луѓе во нивните 20-ти. Каде се постарите ликови? Ни треба ли друга демографија?… А, ние им рековме ’Не‘.“

Според креаторите, сите се нашле во ситуации како ликовите од серијата и веројатно тоа ја направи толку популарна.

Имало неколку предлози за наслов, вклучувајќи го и „Insomnia Café“

На почетокот се размислувало серијата да се вика „Six of One“, „Across the Hall“ и „Friends Like Us“. Кога на Крејн му кажале дека сакале да ја преименуваат серијата во „Friends“, тој рекол дека не му е грижа, сè додека ја емитуваат во четврток навечер.

На почетокот Џенифер Анистон и Метју Пери биле зафатени со други проекти

Лори Опенден, која го водела кастингот за серијата, има изјавено дека на почетокот, Џенифер и Метју не биле достапни.

Тој период Метју требало да се појави во серијата „LAX 2194“, а Џенифер во „Muddling Through“.

Дејвид Швимер не бил заинтересиран да глуми во серија

Еднаш актерот изјави:

„Им реков на агентите да не ми праќаат ништо. Бев во Чикаго и работев на претстава. Ја подготвуваме 'Мајсторот и Маргарита'.“

Лиса Кудроу била исплашена од аудицијата

Пред „Friends“, Лиса Кудроу добила улога во познатата серија „Frasier“. Но, за време на пробите била отпуштена од Џими Буроус кој, пак, ја режираше првата епизода од „Friends“.

„Требаше да одам на аудиција кај Џими. Поради 'Frasier', многу бев исплашена. На некој начин, тој ми даде отказ од таа серија.“

Кога Мет Лебланк ја добил улогата на Џои бил без скршен денар

Марта Кауфман, една од креаторите на серијата, има изјавено:

„Мет беше останат со последните 11 долари кога ја доби улогата.“

Актерот, пак, има изјавено дека не планирал да станува ѕвезда. Едноставно, сакал да си ја плати киријата.

Филмската екипа редовно се собирала во петок

Продуцентот Кевин Брајт има изјавено дека пред да почне емитувањето на серијата, целата екипа редовно се собирала после снимањето.

Најчесто си нарачувале и пица и сите уживале во дружбата.

Продолжува на следната страница...