На никој од актерите не му се допаднала романсата на Рејчел и Џои - Интересни факти за серијата „Friends“

Немало планови за романсата на Моника и Чендлер

Креаторите воопшто не планирале Моника и Чендлер да бидат пар. Дури и откако ја снимиле епизодата во Лондон во која ликовите спијат заедно.

Но, откако ја изгледале епизодата, фановите се вљубиле во овој пар, па креаторите решиле да ги послушаат.

Еден период креаторите планирале да ги „спојат“ Моника и Џои

Уште пред да почнат со снимање, креаторите размислувале дека една од главните романси во серијата ќе биде помеѓу Моника и Џои. Но, кога почнале со снимање, сфатиле дека љубовта на Моника и Џои е платонска, па ја отфрлиле идејата.

„Сега кога ќе помислиме на тоа, овој пар би изгледал навистина чудно“, изјави Крејн.

И Џастин Тимберлејк требало да се појави во серијата

Според Марта, Џастин Тимберлејк сакал да се појави во серијата. Дури одржале и состанок, но според Марта, немале добра улога што ми можеле да му ја дадат.

„Моите деца беа гневни. Сакаа да ме убијат“, има изјавено Марта за оваа одлука.

Актерите заедно побарале покачување на платата

Кога актерот Дејвид Швимер добил совет да бара повеќе пари, веднаш ги споделил новостите со колегите.

Им рекол дека наместо сам да бара покачување, подобро е заедно да го направат тоа. Шесте актери сакале отворено да зборуваат за нивната плата и сакале сите да добиваат иста сума.

Сурогат бременоста на Фиби е поради бременоста на Лиса Кудроу

Кога креаторите дознале дека Лиса Кудроу е бремена, одлучиле да го искористат тоа.

Бидејќи Фиби е силен и емотивен лик, приказната со сурогат мајчинството им се чинела одлична. Повеќето фанови ќе се согласат со нив.

Џенифер размислувала да не се појави во последната сезона

Наводно, тој период Џенифер имала други проблеми и не знаела дали ќе може да ја повтори улогата.

Сакала серијата да заврши, и тоа во период кога сите ги сакале најмногу.

Голем број луѓе веруваат дека проблемите за кои зборува Џенифер најверојатно биле поради Бред Пит.

На Мет Лебланк не му се допаднала романсата на Џои и Рејчел

Романсата помеѓу Рејчел и Џои многумина ја сметат за непотребна. Според Крејн, и актерската екипа го мислела тоа.

Сепак, креаторите сметале дека треба да ја вклучат во приказната бидејќи е неочекувана и погрешна.

„Треба да правиме работи што не ги очекуваат“, изјави Крејн за неславната романса.

Креаторите не сакале да трошат време смислувајќи наслови за епизодите

Ако сте ја гледале серијата, сигурно имате забележано дека насловот на сите епизоди почнува со „The One With…“.

Наводно, причината за ова е тоа што креаторите не сакале да трошат време смислувајќи наслови.

Добиле навистина одлична идеја.

Спирова С. | Црнобело