Статуата на слободата имала бакарна боја - Помалку познати факти за најпознатите знаменитости ширум светот

Сите знаеме што се и каде се наоѓаат Статуата на слободата, Партенон или Биг Бен. Многу луѓе ги знаат и историјата и симболиката на овие знаменитости.

Но, и покрај нивната огромна популарност, сепак постојат некои интересни детали и факти за овие места, што малкумина ги слушнале.

Прочитајте за неколку од нив:

Гавраните во Лондонската кула

Лондонската кула е една од најпрепознатливите градби во Лондон. Изградена е во 1078-ма, од страна на Вилијам Освојувачот.

Кулата ја изградил како кралско престојувалиште, но во периодот од 1100 до 1952-ра, овде биле сместувани најозлогласените криминалци од Англија.

Денес овој замок им е отворен на посетителите, но малкумина знаат дека замокот го „штитат“ шест гаврани. Постои суеверие дека ако гавраните ја напуштат кулата, кралството ќе се сруши.

Поради ова, во кулата постојано има седум гаврани – шесте задолжителни и еден за секој случај.

Се верува дека Чарлс Втори е одговорен за ова суеверие – наредил да се заштитуваат гавраните откако слушнал предупредување дека Кулата и Круната ќе бидат уништени ако птиците си заминат.

Пукнатината на Ѕвоното на слободата

Ѕвоното на слободата било порачано во 1751-ва, во компанија од Лондон. Но, наводно, ѕвоното се скршило после првото тестирање. Поради ова, металот бил претопен и било направено ѕвоното што можеме да го видиме денес.

После 90 години употреба, во 1840-тите, на ѕвоното се појавила мала пукнатина. Дури во 1846-та биле направени обиди да се поправи.

За жал, поправката резултирала со уште една пукнатина, поради што ѕвоното не е функционално. Всушност, никој денес го нема слушнато неговиот оригинален звук.

Бојата на Статуата на слободата

Знаевте ли дека статуата на слободата била со бакарна боја?

Во 1886-та, Франција ѝ ја подари Статуата на слободата на Америка. Секоја година, над четири милиони туристи одат да ја посетат, но малкумина знаат дека статуата изгледала малку поразлично во минатото.

Комбинацијата од дожд, кислород и солена вода резултирала со оксидација на скулптурата. На крај, од бакарна, таа станала сино-зелена. Причината што не се отстранува овој зелен слој од статуата е тоа што ја штити од понатамошно оштетување.

Продолжува на следната страница...