„Сите животни прашања се решени во филмовите“ – цитати на славните за магијата наречена филм

Филмската уметност останува магија поради која ги лепиме очите за екраните. Многу малку земни задоволства може да се споредат со добриот филм.

Одри Хепберн изјавила дека сè што научила во животот го научила токму од филмовите. Елизабет Тејлор се нервирала од сè, освен од снимањето филмови.

Прочитајте што изјавиле култните луѓе од филмскиот свет за седмата уметност:

„Сите животни прашања се решени во филмовите“ – Стив Мартин

„Времетраењето на филмот мора да биде директно поврзано со издржливоста на човечкиот мочен меур“ – Алфред Хичкок

„Целиот живот е како гледање филм. Само што секогаш стигнуваш десет минути после почетокот и никој не сака да ти го објасни заплетот, туку сам мораш да ги поврзеш точките“ – Тери Прачет

„Сè што научив го научив од филмовите“ – Одри Хепберн

„Уметноста креира грди работи кои честопати, со текот на времето, стануваат убави. Модата, од друга страна, произведува убави работи кои со текот на времето секогаш стануваат грди“ – Жан Кокто

„Битен елемент во секоја уметност е ризикот. Доколку не ризикуваш, како тогаш ќе направиш нешто навистина прекрасно што не е видено претходно?“ – Френсис Форд Копола

„Не верувам во елитизам. Не мислам дека публиката е некоја глупава личност што е на пониско ниво од мене. Јас сум публиката“ – Квентин Тарантино

„Киното е поврзано со она што се прикажува во рамките на платното, но и со она што е надвор од него“ – Мартин Скорсезе

„Не мора да бидете голи за да бидете секси“ – Никол Кидман

„Најдобрата причина за да направите филм е да чувствувате страст кон него“ – Џоди Фостер

„Филмовите се каприц. Публиката навистина сака да ги види во живо глумците на сцената“ – Чарли Чаплин

„Широкиот екран само го прави лошиот филм двојно полош“ – Семјуел Голдвин

„Киното е најубавата измама на светот“ – Жан-Лук Годар

„Оженет сум со театарот, но мојата љубовница е филмот“ – Оскар Вернер

„Глумата е единствената професија во којашто можеш да истапиш напред и да си аплаудираш на себеси“ – Вил Роџерс

„Доколку моите филмови не носат профит, знам дека сум направил нешто правилно“ – Вуди Ален

„Правам филмови кои сакам да ги гледам“ – Нил ЛаБут

„Имам теорија дека филмовите делуваат на нивоата на сонот, каде што се сонувате себеси“ – Мерил Стрип

„Сè ме прави нервозна – освен снимањето филмови“ – Елизабет Тејлор

„Филмовите се еден вид на скапа терапија за мене“ – Тим Бартон

(О)Милена | Црнобело