Некогаш дискриминирана, денес глобален портпарол на УНИЦЕФ - Факти за сексапилната Салма Хајек

Сликовитиот приказ дека „годините се само бројка“ непрекинато е докажуван од кој ако не - мексиканската актерка и продуцентка, Салма Хајек Пиналт.

Покрај нејзиниот неприкосновено совршен изглед, оваа актерка претставува синоним за вистинска „жена од акција“.

Најголемиот холивудски дострел го постигна со улогата во маестралниот „Десперадо“ на Роберт Родригез, за на крајот да се искачи на врвот на филмската индустрија со номинaција за Оскар со филмот „Фрида“, каде што покрај главната улога, таа е и продуцентка.

Во продолжение ви наведуваме  интересни факти за животот и делото на Салма Хајек:

1. Салма Хајек е родена на 2 септември, 1966 година

Нејзиното родно место е Коацакоалкос, најголемиот пристанишен град во јужниот дел на мексиканската држава Веракруз. Нејзината мајка била Шпанка, додека татко ѝ бил Либанец.

Воспитувана во добростоечко католичко семејство, Хајек посетувала манастирско училиште во Луизијана на своја 12-годишна возраст и живеела со својата тетка во Хјустон, Тексас, за време на своите тинејџерски години.

Студирањето го започнала на универзитет во Мексико Сити, но за брзо време се отажала, давајќи ѝ примарно место на нејзината актерска кариера, така што за брзо време станала вистинска теленовелска ѕвезда во родното Мексико.

2. Се соочува со дискриминација поради нејзината националност

На 24 години, Салма се преселила во Лос Анџелес за да ја продолжи својата актерска кариера, но открила дека вратите ѝ биле затворени затоа што била Латиноамериканка.

За ова непријатно искуство, во едно од нејзините интервјуа таа изјавува:

„Имаше студиски управители кои ми велеа: Можеше да бидеш најголемата ѕвезда во Америка, но си се родила во погрешна земја. Никогаш не можеш да бидеш водечка дама, затоа што не можеме да ризикуваме да ја отвориш устата, а луѓето да мислат дека си слугинка“.

3. Во дваесетите години се соочила со блага депресија

Околу 25-годишна возраст Салма се соочила со првата „поголема“ непријатност, како што таа изјавува. Хајек повеќепати ја одбивала соработката со новинарите со причината дека страда од „тешка“ депресија поради состојбата на нејзиното лице и по ниедна цена не сакала да ја напушти својата куќа.

Имено, нејзината кожа, особено на лицето била прикриена со големи акни. Сепак, таа непријатна етапа сега е одамна надмината.

4. Добитник е на награда за најдобра „гола“ сцена во 2006 година

Оваа исклучително сексапилна актерка повеќепати ја има докажано својата професионалност, а на тоа се надоврзуваат и нејзините слободоумни сфаќања.

Салма нема никаков проблем да се разголи во филмовите.

Всушност, таа дури и доби награда за „Најдобра гола сцена“ во 2006 година за нејзината сцена со Колин Фарел во „Прашај ја прашината“.

Таа е всушност единствена награда за освојување, за која повеќето луѓе веројатно не ни знаеја дека постои.

5. Во раната младост ѝ била дијагностицирана дислексија

Восхитувачки е тоа што покрај фактот дека Хајек се борела со дислексијата, таа сепак продолжила да учи англиски и да достигне светска актерска кариера.

6. Салма Хајек го претворила својот дом во засолниште за животни

Добропознат е фактот дека оваа актерка ги обожава животните. Верувале или не, во текот на целиот свој живот таа имала најмалку 50 миленичиња.

Нејзиниот дом станал засолниште за животни. Освен кучиња, Салма чувала и папагали, коњи и алпаки.

7. Учествувала на протестите против убиства на жените во Мексико

Глобалното изчезнување на жените во Мексико довело до голем протест на кој учествувала и самата Салма Хајек.

Протестот се одржал во Хуарез, кој се смета за „главен град на убиството“ во Мексико.

8. За нејзината фит-линија практикува систем за самоодбрана развиен за израелските одбранбени сили

За визуелната форма на оваа актерка навистина е излишно да се зборува. На 53-годишна возраст, таа практикува интензивен тренинг за самоодбрана, развиен за припадниците на израелските одбранбени сили.

Тоа значи дека Салма се придржува кон интензивна рутина за вежбање, па не е ни чудно што во петата деценија од својот живот таа изгледа завидувачки.

9. Се венчала на Денот на вљубените, па затоа нејзината ќерка го носи името Валентина

Салма се омажи за нејзиниот сопруг Франсоа на Денот на Вљубените, во 2009 година. Случајно, или пак можеби не, ќерката на Сeлма се вика Валентина.

10. Tаа е втора Латиноамериканка номинирана за Оскар за најдобра актерка

Салма Хајек испиша историја за Латинска Америка, бидејќи беше втора латиноамериканска актерка номинирана за Оскар за најдобра актерка со улогата на Фрида.

Оваа улога значително ѝ помогна во растот на нејзината кариера.

11. Нејзиното име на арапски значи „мир“

Родителите на Салма ја именувале совршено. Нејзини блиски луѓе велат: „Кога би можеле да ја опишеме Салма со еден збор, тој би бил „мирољубивост“.

Таа секојдневно помага на различни организации, верува во еднаквост и како што наведовме погоре, е огромен љубител на животни.

Еден од воодушевувачките факти е тоа што како глобален портпарол на УНИЦЕФ и „Памперс“, Салма работела во кампања којашто ги покрила трошоците за една вакцина против тетанус, со секое продадено пакување на пелени.

Оваа филмска ѕвезда навистина се обидува да го направи светот подобро место за живеење.

Мила М. | Црнобело