Дензел Вашингтон (66) и Паулета (70) се 38 години во среќен брак, таа не верува во гласините за неверство – Факти за славниот актер

Станал бунтовен по разводот на родителите и се дружел со криминалци, неговата сопруга го одбивала за брак двапати, а сега се во среќен брак иако имало гласини за неверство – факти за легендарниот актер Дензел Вашингтон.

За Дензел Вашингтон (66) како актер можеби и не треба премногу да се говори. Тој е еден од актерите што ѝ е мошне познат на јавноста.

Тој е роден во семејство на татко свештеник и мајка стилист, а неговите родители се развеле кога имал само 14 години.

Во продолжение повеќе интересни факти за него што можеби не сте ги знаеле:

Како дете го метел подот во берберница

Мајка му на Дензел му помогнала да ја најде првата работа кога имал само 11 години. Тој почнал да работи во берберница, каде го чистел подот и завршувал други обврски за дневница од 11 долари.

Завршил воено училиште

Родителите на Дензел се развеле кога имал 14 години. По ова, Дензел станал мошне бунтовен и недисциплиниран, поради што мајка му одлучила да го прати во воено училиште.

Тој во една прилика изјави дека оваа одлука на мајка му му го спасила животот, затоа што претходно се дружел со зависници од дрога и криминалци.

Му требало долго време за да ја избере професијата

Кога почнал да студира како главен предмет избрал билогија, па потоа се префрлил на политички науки. Со оглед на тоа што бил мошне неодлучен за идната професија решил да направи пауза.

Конечно во 1977-мата година дипломирал драма и новинарство.

Тој го носи името на докторот што ја породил баба му

Таткото на Дензел Вашингтон го носи името на лекарот што ја породил мајка му, па оттука актерот Дензел кој го носи името на неговиот татко, исто така го носи името на лекарот.

Сам ги изведува каскадерските движења

Дензел сам ги изведува најголемиот дел од каскадерските движења во филмовите. Така во филмот „Safe house“ Дензел двапати завршил со повреди додека со Рајан Рејнолдс сами ги играле каскадерските сцени.

Сопругата трипати го одбивала пред да се омажи за него

Со сопругата Паулета Пирсон (70) се запознале во 1977-мата година на снимањето на ТВ филмот Wilma.

Во брак се од 1983-тата година, откако претходно двапати го одбила неговиот предлог за брак. Прифатила да се омажи за него кога ја запросил по третпат.

Денес имаат 4 деца заедно и во брак се цели 38 години.

Гласини за неверство

Во 1995-тата година Дензел и Паулета ги обновиле брачните завети, а две децении подоцна таблоидите беа преплавени со наводни фотографии што го докажуваат наводното неверство.

Сопругата не веруваше во ваквите гласини, и изјави дека таа премногу добро го познава сопругот.

За тоа како толку долго време имаат успешен брак Дензел во една прилика прокоментира:

„Мора да работите на б ракот. Не смеете да се откажете еден од друг. Тоа е посветеност. Не може цело време да бидете на меден месец, не трае тоа вечно, па затоа мора да работите. И секако пред сè мора да бидете добри пријатели, тоа помага!“

Одбил да сними сцени со бакнување со Џулија Робертс

Наводно кога го снимале филмот The Pelican Brief, Дензел не ги прифатил сцените каде што треба да се бакне со Џулија Робертс.

Жали што ја одбил улогата во филмот Se7en

Пред Бред Пит да ја одигра улогата на детективот Дејвид Милс во филмот Seven, истата му била понудена на Дензел.

Тој вели дека жали што ја одбил оваа улога и ја пропуштил шансата да игра заедно со Морган Фримен.

Б. С. Б. | Црнобело