„Ме нарекуваа најголемата овца, родена за коцкање“ – интересни факти од животот на легендарниот Тома Здравковиќ


„Ме нарекуваа најголемата овца, родена за коцкање“ – интересни факти од животот на легендарниот Тома Здравковиќ

По премиерата на филмот „Тома“ - кој зборува за животот на легендарниот пејач Тома Здравковиќ (1938 – 1991), публиката не престанува да се интересира за деталите од неговиот живот.

Me-narekuvaa-najgolema-ovca-rodena-za-kockanje-interesni-fakti-od-zhivotot-na-legendarniot-Toma-Zdravkovikj 01 630x330.jpg

Бидејќи станува збор за биографска приказна, се подразбира дека настаните прикажани во филмот се претежно вистинити, но режисерот Драган Бјелогрлиќ откри дека сепак постојат измислени сцени и ликови - како на пример докторот Aлекса Хаџипоповиќ, за кој се крена голема прашина.

Од друга страна, постојат низа случувања од животот на истакнатиот боемски крал – неистакнати, односно непласирани во неговата филмската приказна.

Живот испреплетен со љубов кон жените, страст за коцкање, алкохол и стихови кои сѐ уште живеат во бесконечноста.

Во продолжение за вас издвоивме повеќе факти од животот на еден од најголемите автори и вокални уметници, единствениот Тома Здравковиќ:

Сиромаштијата го натерала да побегне од своето родно село

Тома Здравковиќ е роден на 20 септември 1938 година во селото Печењевце, близу Лесковац. Неговиот татко Душан бил месар, а неговата мајка Косара била домаќинка.

Таа родила пет деца и тоа: најстариот син Александар, потоа Иван, Тома, ќерката Мирјана и најмладиот Новица.

Растејќи во сиромаштија, Тома сфатил дека животот на село не го привлекува, па на своја 15-годишна возраст заклучил дека единствениот негов излез е пеењето. Сепак, Тома завршил само основно училиште и посетувал обука за тракторист.

Me-narekuvaa-najgolema-ovca-rodena-za-kockanje-interesni-fakti-od-zhivotot-na-legendarniot-Toma-Zdravkovikj 02 630x380.jpgлево - Тома, десно - Милан Мариќ

Неговиот прв јавен настап сепак не бил поврзан со пеење

Кон крајот на основното училиште, Тома станал член на аматерскиот театар во неговото родно село. На еден натпревар во Лесковац, тој ги освоил симпатиите на публиката за улогата на Потеа во „Зона Замфирова“.

Пред пејачката кариера, Тома се занимавал со физичка работа

Бидејќи во неговото родно место не можел да најде работа, тој заминал во Лесковац каде што секојдневно се занимавал со тешки, физички работни активности на градилиштето, а за време на паузите седел на скалите и потпевнувал.

Првпат во кафеана го одвела неговата муза - Силвана Арменулиќ

Во Лесковац, сосема случајно, во 1956 година Тома ја запознал пејачката Силвана Барјактаревиќ, подоцна Арменулиќ.

Имено, Силвана го одвела во кафаната „Радан“, каде настапувала со својот оркестар. Таму Тома научил да пее народни и староградски песни.

Me-narekuvaa-najgolema-ovca-rodena-za-kockanje-interesni-fakti-od-zhivotot-na-legendarniot-Toma-Zdravkovikj 3 630x400.jpg

Неговиот прв албум бил објавен без рекламa

Во 1963 година, издавачката куќа „Дискос“ го објавила неговиот албум без никакво рекламирање.

Се појавил во два филма и две серии

Легендарниот пејач се појавува во два српски филма: „Балкан експрес“ и „Боље од бекства“, а исто така и во две серии и тоа: „Докторка на селу“ и „Бољи живот“.

Me-narekuvaa-najgolema-ovca-rodena-za-kockanje-interesni-fakti-od-zhivotot-na-legendarniot-Toma-Zdravkovikj 4 630x400.jpg

За турбулентниот живот, љубовта кон жените и за неговите деца прочитајте на следната страна...



Би можело да ве интересира:

Бил 5 години во брак: Факти за Ден Хортон, новото момче на Лејди Гага 37-годишниот сексапилен Ден Хортон го освои срцето на Гага, но кој е всушност то...
„Не сакам да бидам следниот Мајкл Џордан, сакам да сум исклучиво Коби Брајант“ - најдобрите цитати н... Коби Брајант загина во хеликоптерска несреќа на 26 јануари, 2020 година. Имаше с...
„Заминувам пред да бидам оставена“: Цитати од иконата на сексапилот, Брижит Бардо Брижит Бардо, била вистински секс симбол во 50-ите и 60-ите години. Откако се по...

Најчитани неделава

sonovnik-sidebar.jpg