Вуди Ален се ожени за посвоената ќерка на бившата жена – приказната за најконтроверзниот холивудски пар

Во истиот период, Вуди и Сун Ји почнуваат заедно редовно да одат на кошаркарските натпревари на Knicks.

Вуди Ален призна дека започнал сексуална врска со Сун Ји неколку дена по Божиќ во 1991-вата година, кога таа била дома за празниците додека била бруцош на факултет. Во тој период тој имаше 56, а Сун Ји 21 година.

Во 1992-ра година Вуди Ален даде изјава во која ја потврди врската со Превин и рече: „Да, реално е и за среќа сè е вистина“.

Сун Ји низ годините ја обвинуваше нејзината мајка за занемарување, а тврди дека нејзината врска со Вуди започнала дури откако односите меѓу него и Миа биле во целост заладени.

Во 1993-та година истрагата потврди дека Вуди не ја злоупотребувал Дилан, а истата година тој го загуби старателството над неа и другите деца.

Во 1997-ма година Вуди и Сун Ји одлучија долгогодишната врска да ја крунисаат со брак.

Подоцна, низ годините, Вуди во неколку наврати ја коментираше врската со својата посвоена ќерка, па во една прилика кажа: „Не можеш да му наредиш на срцето кого да сака!“

Денес, Вуди и Сун Ји живеат во нивниот дом во Њујорк. Низ годините постојано ги отфрлаа обвинувањата на Дилан Фароу за сексуално злоупотребување. Со движењето #MeТоo, Миа почна повторно да го актуализира случајот и 30 години подоцна.

Б. С. Б. | Црнобело