Ликови од „Сулејман Величествениот“ кои всушност не постоеле + вистинити факти за случувањата во Отоманската империја

Приказната за најпознатите и најконтроверзните историски личности во отоманската историја за време на владеењето на големиот султан Сулејман – серијата „Величествениот султан“, по цели 11 години од својата премиера сѐ уште претставува предмет на дискусија.

Првата законска сопруга на султанот, големата Хурем, е прикажана како лик со амбиција, жед за моќ и исклучителна интелигенција со помош на која „манипулирала“ со величествениот Сулејман.

Дополнително, постои голема палета на ликови, и тоа: султанката Махидевран, мајката на Сулејман – Валиде, Ајше Хафса, султанката Хатиџе, големиот везир Ибрахим и многу други.

Велат дека оваа серија претставува отскочна даска за многубројни турски актери - во истата се појавиле преку 100 актери со поголеми улоги и повеќе илјадници со споредна улога или како статисти.

Но, дали сте се запрашале кои од ликовите се вистинити, а кои фиктивни?!

Во продолжение за вас ги издвојуваме измислените ликови во серијата „Сулејман Величествениот“, без кои вистинската драма немаше да биде постигната:

Зумбул Ага, Ѓул Ага и Мерџан Ага

Присуството на некои измислени ликови дефинитивно е основано, бидејќи во спротивно ќе останевме со навистина малку детални информации за харемот на султанот Сулејман I.

Така, на пример, ликовите Зумбул Ага, Ѓул Ага, Мерџан Ага и други евнуси, иако не прикажуваат историски ликови, беа неопходни за драматичноста и комедијата во серијата.

Ликот на Зумбул беше најважен меѓу евнусите и можеби затоа многумина од нас мислат дека Хурем всушност имала толку близок пријател.

Сепак, тоа не е вистина. За време на владеењето на Сулејман, многу главни евнуси се менувале, а за ниту еден од нив не било познато дека е особено близок со Хурем. Од блиските слуги на Хурем, позната е жена по име Невбахар.

Нигар Калфа, Ѓулсах Хатун, Фидан Хатун, Даје Хатун и многуте наложнички

Ликовите на Нигар Калфа, Ѓулсах Хатун, Фидан Хатун, Даје Хатун и многу други слични на Зумбул исто така се измислени.

Ниту еден од нив не бил историски, но сигурно секоја султанка имала свои доверливи слуги, како што е прикажано во серијата.

Како и евнусите и калфите, наложничките на принцот Мустафа и принцот Бајазид: Ајше, Рана, Дефне или Румејса Хатун, исто така може да се сметаат за измислени ликови.

Не знаеме ништо за харемот на двајцата принцови, бидејќи ниту еден од нив немал главна сопруга и бидејќи нивните деца биле родени од различни жени.

Садика 

Садика во серијата е претставена како Унгарка чиј сопруг бил убиен од султанот Сулејман на денот на нивната венчавка.

Подоцна, таа станува шпион на унгарскиот крал Лајош II и заминува во Истанбул за лично да се одмазди за смртта на нејзиниот сопруг, со што по сплет на околности станува главна слугинка на Хатиџе Султан.

За време на нејзината работа таа се обидува да го убие Сулејман, меѓутоа не успева. 

Лео

Во серијата, тој е љубовта на Хурем од нивната младост. Лео е талентиран уметник кој со помош на Насух ​​Ефенди ќе стане сликар на султанот Сулејман и Паргали Ибрахим.

Неговата поранешна врска со Хурем ја открива големиот Ибрахим, и на тој начин се обидува да ја уценува Хурем и на крај ја тера со свои раце да го отруе.

Во реалноста, Хурем и сите други наложнички биле однесени во османлиско заробеништво како мали девојчиња, па не доаѓа предвид дека би имале голема љубов или би биле верени.

Принцезата Изабела

Принцезата Изабела Фортуна во серијата е шпанска благородничка, заробена од османлиските пирати, во која Сулејман подоцна се заљубува.

Во реалноста, се разбира, таква ситуација ќе беше незамислива. Дури и ако се претпостави дека Изабела постоела и била заробена од пирати, ниту една принцеза израсната во католички дух доброволно не би станала наложница на муслимански султан - наместо тоа, таа би извршила самоубиство.

Да не заборавиме дека Сулејман ѝ бил лојален на Хурем од 1520-тите па натаму, така што во реалноста не постоела ниту една жена која би можела да претставува неволја за повеќедецениската врска на овој османлиски пар.

Продолжува на следната страница...