Шверцувала пелени за да преживее, сопругот го запознала кога ја привел на сослушување – факти за Јелена Бачиќ Алимпиќ
Од ТВ лице до бебиситерка во Канада и шверцер на пелени – Јелена Бачиќ Алимпиќ неколкупати ја менувала кариерата. Вели дека почнала да пишува романи затоа што тоа била последната желба на нејзиниот татко, а сопругот го запознала кога ја привел пред суд –факти за најпознатата српска писателка.
Јелена Бачиќ Алимпиќ е позната српска ТВ водителка, а во последните години се прослави и како писателка на балканските простори.
„Рингшпил“ е еден од најпознатите нејзини романи кај нас, а оние што ги прочитале нејзините книги се воодушевени од начинот на пишување, но и од приказните.
Таа во април годинава го објави романот „Клетва“, потресна приказна за три жени, што е мошне актуелна, а на нејзиниот Инстаграм профил редовно споделува фотографии и видеа од приватниот живот.
Сепак, нејзината животна приказна од друга страна наликува на луд роман, исполнет со голем број пресвртници и расплети. Од првиот избор на кариерата, до случајната средба со сопругот и семејната трагедија што ја натера да ја промени кариерата.