Облаците тежат околу 500 тона и уште 8 забавни научни факти кои звучат нереално

Ванилин е состојката што ѝ ги дава препознатливите вкус и мирис на ванилата, а научниците успеале да ја направат од пластика.

Светот околу нас е толку чуден, што некогаш и научно докажаните факти можат да ни звучат нереално.

Во продолжение неколку вакви факти што сигурно ќе ве изненадат:

Може да се направи вкус на ванила од пластика

Во истражување од 2021 година објавено во Green Chemistry, двајца научници успеале да направат вкус на ванила од пластика.

Состојката што ги дава мирисот и вкус на ванилата се нарекува ванилин. Оваа состојка се добива од растението ванила, а може да се направи и во лабораторија.

Земајќи го предвид проблемот со загадувањето со пластика, научниците пробале да ја направат оваа состојка од вид пластика – и успеале.

Тие користеле генетски модифицирани бактерии кои ја разградуваат пластиката, а потоа поголемиот дел од неа го претвориле во ванилин.

На Нептун и Уран може да има дожд од дијаманти

Не знаеме многу работи за Нептун и Уран, па астрономите користат многу симулации и пресметки за да откријат што се случува на нивната површина.

Користејќи ги податоците за составот на атмосферите на овие планети, заедно со нивните температури и други фактори, тие дошле до заклучок дека на Нептун и Уран има совршени услови за да настане дожд од дијаманти.

Има повеќе дрвја на планетата отколку ѕвезди во нашата галаксија

Се претпоставува дека на Земјата има околу 3 трилиони дрвја. Односно, околу 420 дрвја за секој човек на Земјата.

Од друга страна, научниците проценуваат дека во Млечниот Пат има околу 100 милијарди ѕвезди.

Поверојатно е да имате слична ДНК со пријател, отколку со непозната личност

Истражување од 2018 година покажало дека луѓето кои се добри пријатели имаат сличности во нивната ДНК.

Односно, постои можност оваа сличност да нè привлекува едни со други.

Уште пет факти на следната страница...