Имал љубовна врска со речиси секоја филмска партнерка, татко му е негов идол – факти за неодоливиот заводник Марио Касас

Прва сериозна улога

Првата изведба на Марио во посериозен филм се случила со драмата „Летен дожд“ (El camino de los ingleses, 2006). Во трагичната приказна на ни помалку ни повеќе - режисерот Антонио Бандерас, младиот човек игра еден од пријателите на главниот јунак Мигел, кој го игра Алберто Амарила.

Од сите актери вклучени во филмот, Марио бил најмлад, всушност самиот бил олицетворение на младоста, слободен да дејствува по повикот на срцето, не препознавајќи никакви правила и ограничувања.

„Три метри над небото“ и вирален раст на популарноста и филмските улоги

Биографијата на актерот драстично се промени во декември 2010 година, кога на екраните се појави мелодрамата „Три метри над небото“ (Tres metros sobre el cielo), заедно со Марија Валверде.

Филмот стана шпанскиот филм со најголема заработка истата година. Во 2012 година глумеше и во вториот дел Tengo ganas dе ti заедно со Клара Лаго и Валверде.

Помеѓу крајот на 2013 и почетокот на 2014 година, Касас патувал меѓу Колумбија и Чиле за неговиот втор англиски филмски проект Los 33 (The 33).

Филмот во кој глумеа и Џулиет Бинош и Антонио Бандерас е базиран на рударската несреќа во Чиле што се случи во 2010 година.

За улогата Еl photographer de Mauthausen – филм од 2018 година, Марио Касас морал да изгуби дури 26 килограми.

Љубовен живот и контроверзни прашања

По бројните шпекулации за сексуалната ориентација на Касас, тој повеќепати се огласи дека никогаш не бил геј и дека едноставно ги обожава жените.

Љубовните врски на овој убав маж со манекенски изглед отсекогаш му биле јака страна. Имено, тој никогаш немал пауза од девојките, а ретко кога неговата филмска партнерка не завршувала во негови прегратки, во реалниот живот.

По снимањето на филмот „Три метри над небото“, Марио започнува да излегува со актерката Марија Валверде, која ја играше улогата на Баби.

Нивната врска траеше 4 години и иако многумина од обожавателите предвидуваа свадба, во 2014 година парот се раздели.

Во 2018 година Марио Касас беше во врска со шпанската актерка Бланка Суарес, со која глумеше во телевизиската серија Ark. 

Последно, Марио се забавуваше со белгиската актерка Дебора Франсоа, но се чини дека и на таа љубовна романса актерот стави точка.

Во продолжение повеќе фотки од неодоливиот шпански актер Марио Касас:

Мила М. | Црнобело