Беше уапсен поради секс со проститутка во автомобил, колегите го мразат – Факти за Хју Грант

Во 1995 година, Хју Грант беше уапсен откако полицијата го фатила како има секс со проститутка во автомобил. Актерот има пет деца од две жени, а две од децата се резултат на афера. Факти за животот (и скандалите) на Хју Грант.

Хју Грант се соочи со многу критики по интервјуто со Ешли Греам на Оскари 2023.

На неколкуте прашања што му ги постави плус-сајз моделот, Хју одговараше со по 2-3 збора и делуваше потполно незаинтересирано.

Иако дел од јавноста сметаше дека прашањата на Ешли не биле воопшто добри, други истакнуваат дека за брзо интервју на Оскарите, актерот не ни требало да очекува други прашања.

Но, ова не е првпат актерот да биде критикуван за односот кон луѓе кои го интервјуираат. Истовремено, зад себе тој има и неколку скандали, како изневерувањето на поранешна девојка со проститутка.

Неколку факти за Хју Грант (и неговите најголеми скандали):

Хју Грант е роден во 1960 година во Лондон. Голем дел од детството поминувал и во Шкотска, каде што со дедо му одел на лов.

Има завршено англиска литература на Оксфорд, а во последната година од студиите се пробал како актер, во филм направен од студент.

По дипломирањето, пробал да напише книга, но се откажал од намерата и почнал посериозно да се занимава со глума.

Професионалната актерска кариера ја започна со улога во филмот Maurice од 1987 година, која му донесе и награда за најдобар актер на Филмскиот фестивал во Венеција.

Актерот стана светски познат дури во 1994 година, со филмот Four Weddings and a Funeral – улога за која доби Златен глобус.

Оттогаш актерот генерално се појавува во романтични комедии, помеѓу кои најпознатите се Bridget Jone’s Diary, Love Actually и Notting Hill.

Пред да се венча, актерот го имаше репутација на „женкар“, но сепак имаше две сериозни врски – со Елизабет Харли од 1986 до 2000 година, и со Џемима Кан од 2004 до 2007 година.

На следната страница најголемите скандали на актерот...