„Викенди не можеше место да се најде“: Фотка од плажа на Вардар ги натера скопјани да ги отворат срцата

„Е никогаш повеќе нема да има такви убави времиња, се живееше скромно ама среќно, а сега се побудалеа за пусти пари, секој ден афери, секој ден под стрес“ е еден од носталгичните коментари под фотографијата.

Во Фејсбук групата „Патувања низ Македонија“ членка сподели фотографија од преполна плажа на реката Вардар во Скопје, направена во 60-тите години.

Убави, задоволни луѓе кои уживаат во сончањето и капењето во Вардар... Нешто што денес ни е незамисливо.

Оваа фотографија од старо Скопје им врати спомени на многумина и дел од коментарите под фотографијата се:

„Е никогаш повеќе нема да има такви убави времиња, се живееше скромно ама среќно, а сега се побудалеа за пусти пари, секој ден афери, секој ден под стрес“.

„Немам коментар, сликата има многу убави моменти. Мене ми е најубаво што сите се блиски, исти, нема социјална разлика, сите се насмеани, не им е битно дали има вода, битно се среќни.“

„Ова можеме да го гледаме само на слика, никогаш повеќе нема да го доживееме, тоа бил живот.“

„Впечатлива беше плажата со песок, чакал, чисти бели каменчиња и тука се одвиваше таа ‘модна ревија’ на костими за капење. Магична слика на една шаренолика младина која повеќе сакаше да се дружи и забавува, отколку да се лади во брзите води на Вардар и да се изеде по некое лепче спремено од мама. Има уште многу да се зборува за тие убави времиња...“

„Саботите и неделите, не можеше да се најде место за седење. Плажите на Вардар (Градска, Руска, Опатија) и бистриот Вардар летно време биле спас за скопјани!“

С. С. | Црнобело / фото: Фејсбук објава