Фотографија од лицето и вратот на 92-годишна баба е доказ зошто мора да користиме крем со заштитен фактор

Фотографија објавена во списание за дерматологија ќе ве натера уште веднаш да ставите крем со заштитен фактор на лицето и вратот.

dermatolog-pokazhuva-zoshto-e-vazhno-da-stavame-krem-so-zashtiten-faktor-na-liceto-no-i-na-vratot-foto-01.jpg

Веќе на сите ни е познато дека ако сакаме да ја заштитиме кожата и да ја намалиме појавата на брчки, едно од најважните нешта е користењето крем со заштитен фактор.

Штетните ултравиолетови зраци од сонцето ја намалуваат еластичноста на кожата, го забрзуваат создавањето брчки, но и го зголемуваат ризикот од рак на кожата.

Што значи, користењето крем со заштитен фактор не е важно само од естетски, туку и од здравствени причини.

Но, ако сте како повеќето луѓе, можеби заборавате да нанесете крем на вашиот врат.

dermatolog-pokazhuva-zoshto-e-vazhno-da-stavame-krem-so-zashtiten-faktor-na-liceto-no-i-na-vratot-foto-04.jpg

Фотографија објавена во Journal of Тhe European Academy of Dermatology and Venerology многу добро покажува зошто треба да ставаме крем со заштитен фактор, но и зошто не треба да го прескокнуваме вратот.

На фотографијата се гледа дел од лицето и вратот на 92-годишна жена. Жената редовно користела крем со заштитен фактор на лицето, но не и на вратот.

А, разликата ќе ја забележите и самите – кожата на вратот е во многу полоша состојба, има брчки, како и темни дамки.

dermatolog-pokazhuva-zoshto-e-vazhno-da-stavame-krem-so-zashtiten-faktor-na-liceto-no-i-na-vratot-foto-02.jpg

Фотографијат е објавена во склоп на текст за превенција на рак на кожата, напишан од доктор Кристијан Пош.

„Образот и вратот на 92-годишна жена која користела крем со заштитен фактор на лицето, но не и на вратот, во период од повеќе од 40 години.

Клиничките испитувања открија огромна разлика помеѓу штетата од сончевите зраци на образите и вратот“, стои во описот на фотографијата.

Целта на доктор Пош е да ја покаже важноста на соодветната заштита на нашата кожа.

dermatolog-pokazhuva-zoshto-e-vazhno-da-stavame-krem-so-zashtiten-faktor-na-liceto-no-i-na-vratot-foto-03.jpg

Да нагласиме дека кремовите со заштитен фактор не се само за летниот период – штетните УВ зраци се активни и во зима, па не заборавајте да ја заштитувате кожата на лицето во текот на целата година.

Со ова не само што ќе изгледа помладо, туку и драстично ќе го намалите ризикот од рак на кожата.

Препорачливо е да користите крем со заштитен фактор 30, но доколку имате многу бела кожа, користете поголем фактор.

Нанесувајте го кремот пред да излезете од дома, а ако го поминувате целиот ден на отворено, препорачливо е да нанесувате крем на секои два часа.

Спирова С. | Црнобело

Би можело да ве интересира:

Ретро фотка од плажата Градиште во 60-тите години: На одмор со шатори и спиење под отворено небо Како се одело на одмор во минатото? Како изгледал летниот одмор на нашите баби и...
Фотка од 70-тите години е вирален хит: „Сите се витки, нема пластични, а нема ниту лежалки и чадори“ Во минатото се знаело на плажа се оди со пешкир и костим за капење и ништо друго...
Вашиот месец на раѓање открива каков брат/сестра сте Пофалете се на вашите брат/сестра кое дете сте вие и пошегувајте се со нив. Трап...

Најчитани неделава

sonovnik-sidebar.jpg