Хит-коментари од туристи кои биле на Егремни, плажата со 400 скали: „Видов бела светлина и покојната баба како ме повикува“

„Бевме еднаш јас и сопругата - не разговаравме 3 дена после тоа“, „Не би се симнала, па макар долу да ме чека Расел Кроу од младите денови“ - велат некои од оние што биле на Егремни.

Плажата Егремни на островот Лефкада е позната како една од најубавите во цела Грција - пространа, песочна, со море во кое се претопуваат десетици нијанси на сина боја.

Но, плажата има една мана ако до неа не одите со брод - од паркингот се оди пеш повеќе од 1km, а потоа треба да се спуштите по 400 скали, и по истиот пат да се вратите назад.

На Инстаграм профилот Nikana.gr неодамна беше објавено видео на кое се гледаат скалите кои водат од и до Егремни, со прашање: „Кој од вас успеал да слезе и да се качи, а кој никогаш не би помислил на ваква авантура?“

По ова голем број Срби оставија свои коментари, а дел од нив се пресмешни:

„Видов бела светлина и покојната баба како ме повикува, а уште беа оние старите скали“.

„Само што слегов сфатив дека го оставив мобилниот во автомобилот. Па веднаш назад до горе и кога се вратив долу ми остана само уште да легнам во студен гроб...“

„Бевме еднаш јас и сопругата - не разговаравме 3 дена после тоа“.

„Не би се симнала, па макар долу да ме чека Расел Кроу од младите денови“.

„Бев со сопругата и детето од 4 години. Плус ме натоварија со чадор за сонце, шатор, ранец, со вода. Но вредеше секоја скала и погледот додека се спушташ и по асфалтот и по скалите, непроценливо“.

„Абе ајде, 1800m од паркингот до скалите, па после 385-411 скали. Надолу кочиш, ти отпаднаа колената за 15%, а кога се враќаш, јазикот ти е на под. Трипати правев пауза - ставам пешкир на бетон под сенка и легнувам, поминаа некои странци, ми нудеа вода“.

„Не ме интересира ваква авантура. Не сум спортист да се спремам за Олимпијада“.

„Се молев да дојде хеликоптер да ме извлече“.

„Ќе ги совладаш скалите некако, ама после оние 2km угорница на 35 степени... И тогаш ги гледаш луѓето што одат надолу, насмеани сите од прв до последен, ко да добиле наследство“.

„Фала, не треба, ќе се ладам во леѓенче и вода од бунар“.

„Нека стават прво тобоган за до долу“.

Прочитајте и „Ја обожавам Лефкада, од Скопје патував 8 часа, но 400-те скали на Егремни ми беа вистинска траума“

Погледнете го видеото:

А. Ј. | Црнобело