Најчудните причини зошто жените плачеле за време на ПМС

ПМС периодот е најчудниот во животот на голем процент од жените. Тогаш работите стануваат дупло полуди, а храната трипати повкусна.

Водејќи се по себе и причините заради кои таа плачела, една корисничка на Твитер ги замоли жените да ја споделат најчудната причина заради која плачеле во ПМС.

Одговорите се смешни и трагични истовремено:

- „Мојот сопруг не го намачка лепчето со путер до самите рабови (не е еуфемизам).“

- „Еднаш плачев затоа што кучето изеде пајак.“

- „Ставав сигурносни етикети на бебешката облека во продавницата во која работам... Сакав еден од фустаните да го има во моја големина - и плачев.“

- „Не можев да ги најдам садовите за сосови кога ја празнев машината за садови.“

- „Еднаш бев ужасно тажна кога покрај мојот автомобил помина амбулантно возило. Морав да се паркирам и да се исплачам.“

- „Ми падна малечко шишенце со парфем и се распрсна. Секако, го сфатив трагично и почнав да ги удирам вратичките од шкафчето и да мрморам навреди сама на себе. Сопругот ме праша што е работата, му објаснив и само ми кажа - глупости. Дури тогаш почнав да врескам и да плачам со објаснување: На никој не му е грижа дали мирисам убаво или не! Не сум баш најгорда на тој момент од мојот живот.“

- „Во книгата која ја читав, умре едно куче. Тогаш решив да стојам на прозор и драматично да плачам час-два.“

- „Еднаш тргнав да купам обични, евтини шноли затоа што ми требаа, но во истиот момент помислив на долговите на факултет. Тогаш и се јавив на мајка ми со тешки прашања: Дали можам да си ги дозволам овие шноли? Како ќе јадам оваа недела? Дали ќе завршам факултет ако ги купам?“

- „Еднаш си плачев 30 минути затоа што не можев да одберам каков компир сакам - пржен, печен, пире... Имаше толку многу опции!“

М. Д. | Црнобело