Хумористични споредби за љубовта

Љубовта со сигурност е едно од најубавите чувства на светот. Тешко може да се спореди со што било друго, но некои луѓе се обиделе да го направат тоа. Иако резултатот е прилично комичен, веруваме дека ќе ви го разведри денот:

Љубовта е како шах, доколку не си ја пазиш кралицата, ќе ти ја земе некој коњ.

Љубовта е како цвет, се раѓа, расте, а потоа доаѓа некоја крава и сè е готово.

Љубовта е како болка во грбот, не се гледа на рендгенска снимка, но знаеш дека е тука.

Љубовта е како песочен часовник, срцето се полни, мозокот се празни.

Љубовта е како оган, може да ти го згрее срцето, а може и да ти ја запали куќата.

Љубовта е како војна: ја почнуваш кога сакаш, а ја напушташ битката кога си изнемоштен.

Љубовта е како фудбалска топка – сите се трудат да ја стигнат, а кога ќе дојдат до неа ја шутираат.

Љубовта е како Wi-Fi. Не ја гледаш, но чувствуваш кога се губи конекцијата.

Љубовта е како кога ќе пуштиш гас под ќебето, прво е убаво и топло, а потоа сфаќаш дека нешто тука смрди.

Љубовта е како ред чоколада, првото обично не е и последно.

Љубовта е како сипаници, колку подоцна ќе се појават, толку полошо е.

Љубовта е како возење автомобил, тргнуваш полека, нагло ја зголемуваш брзината, возиш пребрзо, а закочуваш кога е веќе предоцна.

Љубовта е како сладолед, прво ти годи и те освежува, потоа се топи и се лепи, а на крајот останува само дамка која треба добро да ја испереш со помош на алкохол.

Љубовта е како казино, губиш, а сепак ти е фино.

Љубовта е како математика! Немој да се зачудиш ако го видиш со две непознати.

(О)Милена | Црнобело