„Готово е со нас, клучот ти е под чергиче“ - Македонците ги откриваат најлошите раскинувања што ги доживеале

Убави раскинувања нема, па затоа ги прашавме Македонците да ни откријат кој е најлошиот начин на кој им раскинал партнерот.

Раскинувањата се болни и тешки, особено ако сте заљубени или долго време сте биле заедно.

Едниот во врската секогаш е повреден, посебно кога раскинувањето е лошо или јавно.

Убави раскинувања нема, па затоа ги прашавме Македонците да ни откријат кој е најлошиот начин на кој им раскинал партнерот.

Ни одговараа на анкета на Инстаграм, а ова се дел од нивните најлоши искуства:

1. „Требаше да се видиме со девојката. Мене само што ми ја донесоа FIFA2017, па не отидов. После тоа таа никогаш не ми одговори на пораките и повиците“.

2. „На ѕид на Фејсбук добив порака: 'Готово е со нас, јас си одам, клучот ти е под чергиче'“.

3. „Девојката ми рече ме остава, а не ми кажа зошто. Нема полошо од тоа да ти раскинат, а да не ја знаеш причината“.

4. „Еден дечко ми испрати СМС-порака и ми кажа дека ме остава“.

5. „Ми се случило дечкото да го снема, да се повлече скроз и да не ми ни каже дека сака да раскинеме. За него безболно, за мене најлошо“.

6. „Една девојка ја фатив во мојата спална со друг дечко. После тоа само се собра и си отиде, не требаше ни да ѝ кажам дека е готово“.

7. „'Бевме што бевме, сега веќе не сме' е најглупавата порака што сум ја добила од дечко. Уште ја памтам“.

8. „Ми рече: 'Откога сум со тебе цело време ме боли глава и не спијам. Време е да прекинеме, да ми престане немирот што ми го правиш'“.

9. „'Не е до тебе, до мене е, јас сум во лоша фаза' - ова е најглупавиот изговор што ми го дала девојка зошто ме остава“.

10. „Дечко ми раскина на клупа на улица Македонија, па додека плачев, сакаше да ме гушка и да ме утеши. Има ли полошо од тоа?“

А. Ј. | Црнобело