Не јадел ништо 382 дена, пиел само течности и витамини и ослабел 125 kg – чудниот случај на маж од Шкотска

Во 1960-тите, Ангус од Шкотска имал 206 килограми. Сакајќи да се ослободи од нив, отишол во болница за да гладува под медицински надзор и останал таму цели 382 дена. Во овој период не ставил никаква храна во устата и успеал да ослаби 125kg.

Поради бројните обврски, а со тоа и немањето многу време за готвење и вежбање, сè повеќе луѓе мака мачат со вишок килограми.

Истовремено, постојат и луѓе кои се со многу прекумерна тежина, без разлика дали поради зависност од храна, нездрав однос со храната или некој друг психички или физички проблем.

Ангус Барбиери од Шкотска имал прекумерна тежина поради зависност од храна. Во јуни 1965-та, на 27-годишна возраст, тој тежел 206 килограми.

Бидејќи му било јасно дека си го загрозува животот, Ангус презел драстични мерки за да го реши проблемот со зависноста од храна и да се ослободи од вишокот килограми.

Да нагласиме – неговиот метод за слабеење не е воопшто препорачлив и бил изведен под надзор на медицински лица.

Што значи, иако Ангус ги постигнал посакуваните резултати, воопшто не е препорачливо некој сам да го проба овој метод бидејќи може да си го загрози здравјето, па дури и да го изгуби животот.

Па, како ослабел Ангус?

Малку е познато за животот на Шкотланѓанецот пред да го привлече вниманието на јавноста со неговото слабеење.

Тој бил роден во Шкотска во 1939 година, а во младоста работел во локален ресторан што го водел татко му.

До 27-годишна возраст, неговите проблеми со тежината почнале да се влошуваат бидејќи достигнал 206 килограми.

Па, во јуни 1965-та, тој самиот се пријавил во болница во Шкотска. Планирал да престојува таму извесен период и да се изгладнува, додека не се ослободи од вишокот килограми.

Но, наместо извесен период, Ангус поминал 382 дена во болницата каде што не внесувал никаква храна, туку само течности.

Ангус примал електролити и витамини преку течности, како и аминокиселини кои се клучни за организмот. Истовремено, имал дозвола да пие кафе (без шеќер или млеко) чај и кисела вода.

Продолжува на следната страница...