Корисни трикови што ги научивме во училиште, а ни служат за цел живот

Множење со 6, 7, 8 и 9 со помош на прсти

Таблиците за множење со помалите броеви се лесни, а најголемиот број ученици имаат проблем кога треба да множат со броеви поголеми од 6. Овој лесен трик со множење со помош на прсти може да ви биде добредојден.

Свртете ги двете дланки кон лицето. Именувајте го секој прст и на двете дланки со една цифра од 6 до 9. Притоа малите прстиња на двете дланки треба да бидат именувани со бројот 6, а палците со бројот 10.

Ако сакате да помножите 7X8, тогаш треба да ги допрете прстите од двете раце именувани со бројот 7 и 8 (како на фотографијата).

Избројте го бројот на прсти што ви остануваат во долниот дел, заедно со двата прста што се допираат и така ќе го добиете бројот на десетките. Ако имамт 5 прсти, тогаш бројот на десетките е 50.

За да го добиете бројот на единиците, потребно е да го помножите бројот на прсти од левата со бројот на прсти од десната рака што останале во горниот дел над допрените прсти. Оттука 3 x 2 е 6.

50+6=56 или 7X8=56.

Множење со 9

Постои мошне едноставен трик за множење со 9. Испружете ги двете дланки и секој прст именувајте го со една цифра, од 1 до 10.

За да го добиете резултатот, потребно е да го свиткате прстот што го означува бројот што го множите со 9.

Прстите што се наоѓаат пред свитканиот прст го даваат бројот на десетките, а бројот на прстите по него го даваат бројот на единиците.

Така, за да помножите 7x9 свиткајте го седмиот прст. Пред него имате 6 прсти, што значи 60 и по него имате уште 3 прсти, па тоа значи дека резултатот е 63.

Должина

Ако немате линијар, а ви треба отприлика да измерите димензии, тогаш тоа можете да го направите со помош на дланките.

Според средните човечки пропорции, вообичаената оддалеченост помеѓу врвот на палецот и врвот на показалецот е околу 18cm, а од врвот на палецот до врвот на малиот прст 20cm.

Сепак, ова не може да се смета за сосема точно мерење затоа што секој од нас е различен во поглед на димензиите на рацете.

Како да ги одредите степените на аглите?

Раширете ги прстите на дланката колку можете повеќе. Така аголот меѓу палецот и малиот прст ќе биде 90 степени, а аглите што малиот прст ги формира со другите прсти се 30, 45 и 60 степени.

 Б. С. Б.  | Црнобело