Загаден е воздухот? Еве решение!

Ексклузивно! Модните консултанти на ЦрноБело ви го откриваат неочекуваниот моден тренд за оваа сезона. Верувајте, сите ќе почувствуваат...

...потреба од вакво парче, а останатите трендови сервирани од светските модни метрополи ќе останат во сенка.

Знаеме дека модата е врзана со секој дел од нашето живеење и често се инспирира од општествените промени. Овој пат таа е потреба колку што е и стил. Стил на живеење или подобро кажано - на преживување. Судејќи по она што ни го открија мерните единици на Министерството за животна средина апсолутен „маст хев“ за зимската сезона ќе биде гас маската!

Бидејќи маслинесто зелената е веќе демоде, основните модели доаѓаат во неколку бои, како виолетова, сина и црвена.

Но, дизајнерите беа доволно креативни да создадат маски за различни ситуации и групи потрошувачи.

За пешачење или возење точак навечер (иако со маглава исто ви се фаќа дали е ден или ноќ).

Овие маски може да се искористат и за на журка

Дарт Вејдер маска за Star wars фанатици

За романтични парови: градник што се претвора во две гас-маски

Мики Маус маски за деца

За зимурливи

За моторџии

За футуристи

За минималисти

За нудисти

За садо-мазохисти

Гас маска со бонг за зависници

И секако за најважната „таргет група“, снобови и популарни фаци, има избор од три маски создадени во соработка со Gucci и Louis Vuitton:

Се очекува новиот моден тренд да направи вистински бум во Скопје, но и во блискиот Велес.

Се надеваме дека на некој инвеститор нема да му текне да направи фабрика за маски и да ја смести во строгиот центар на овие градови :)

З. П. | Црнобело