Бон-тон правила со кои ќе ги импресионирате сите во ресторан и на свечен настан

Доколку организаторот на настанот нема одредено места за седење, гостите треба да почекаат додека организаторот (или некој од келнерите) не им каже каде да седнат. Кои други бон-тон правила треба да ги знаете?

Кога сме во друштво на блиски пријатели или семејството, ретко кога размислуваме за бон-тон правила.

Но, ако сме на свечен настан или во ресторан, препорачливо е да обрнеме внимание на некои ситници.

Бон-тон правила со кои ќе ги импресионирате другите:

Правила за свечени настани

1. Доколку организаторот на настанот нема одредено места за седење, гостите треба да почекаат додека организаторот (или некој од келнерите) не им каже каде да седнат.

2. Дамите треба да седнат први, а мажите да им помогнат со столовите.

3. Ако некој доцни, гостите не треба да го чекаат повеќе од 20 минути. Доколку вие доцните, кога ќе стигнете, само извинете се и вклучете се во разговорот. Нема потреба да објаснувате зошто сте задоцниле.

4. Ако на масата има храна што не ја јадете од разни причини, не мора да им кажувате на сите - со ова ќе го навредите организаторот на настанот. Едноставно, не ја јадете таа храна.

5. Немојте да користите чепкалка за заби на масата, туку одете во тоалетот. Истото важи за секое останато средување, како поправање шминка.

Правила за користење прибор и нарачување

6. Приборот што ќе почнете да го користите не треба да го оставате на масата бидејќи ќе ја извалкате прекривката.

7. Немојте да го сечете целиот оброк на мали парчиња пред да почнете да јадете. Подобро е да го сечете секој залак посебно.

Продолжува на следната страница...