Најозлогласените и најмоќните наркобосови во светот (кои ги засенува една жена)

Можеби мажите се оние кои доминираат во светот на криминалот, но ниту еден од нив не се споредува со озлогласената Гризелда Бланко која ги убивала своите противници на среде бел ден.

Сите сме слушнале за Пабло Ескобар кој своевремено бил најмоќниот и најбогатиот наркобос во светот. Но, тој не е единствениот криминалец кој се истакнувал со својата суровост и со своите злодела.

Покрај добропознатиот Ескобар и Ел Чапо, кои други наркобосови се сметаат за едни од најмоќните?

Мигуел Ангел Феликс Галардо

Познат и како El Padrino (кумот), Мигуел е основач и лидер на Guadalajara – првиот голем картел од Мексико.

Најмоќен бил во 1970-тите и 1980-тите, а неретко соработувал и со Пабло Ескобар.

Своевремено, неговиот картел бил еден од најмоќните во светот, а Мигуел имал огромно влијание и врз властите – редовно ги поткупувал, но и им се заканувал за да не му наштетат на неговиот бизнис со дрога.

Тој продолжил да го води картелот дури и по неговото апсење во 1989 година.

Интересно е што тој бил уапсен за убиството на американски агент, а не поради бројните прекршувања на законот.

Сепак, на судењето биле изнесени бројни докази против него, по што добил 40-годишна, а потоа и 37-годишна казна затвор.

Бил преместуван во неколку затвори, а поради сериозни проблеми со здравјето, во 2022-ра бил пуштен во куќен притвор.

Амадо Карило Фуентес

Амадо, кој починал во 1997-ма, шверцувал кокаин од Мексико во САД, и тоа повеќе од кој било друг наркобос.

Со ова, стекнал богатство од над 25 милијарди долари.

Бидејќи дрогата ја пренесувал со помош на негови приватни авиони, бил нарекуван и „Господар на небото“.

Тој бил дел од картелот Gudalajara што го спомнавме претходно, а подоцна, неколку месеци пред неговата смрт, основал и свој картел.

Смртта на Амадо е вистинска иронија – обидувајќи се да избега од властите, тој направил пластична операција со која сакал целосно да си го промени ликот.

Но, наводно настанале компликации, по што починал.

Сепак, постојат гласини дека Амадо ја лажирал својата смрт за полесно да избега со новиот идентитет и новото лице.

Маркос Вилианс Хербас Камачо

Маркос, попознат како Маркола, е лидер на најголемата криминална организација во Бразил.

Почнал да се занимава со криминал на само 9-годишна возраст, а додека да наполни 35 години, веќе поминал цела деценија во затвор.

Самиот тврди дека додека бил во затвор, прочитал над 3.000 книги.

Кога станал лидер на криминалната организација, самиот ги нарачал убиствата на претходните лидери.

Пoкрај шверцот на дрога, убиствата и кражбите, Маркола бил одговорен за 29 затворски бунтови низ Бразил, а бил одговорен и за убиството на бразилски судија.

Моментално, 55-годишниот криминалец отслужува 232-годишна затворска казна.

Продолжува на следната страница...