Морничавата приказна за „најопседнатата“ куќа во Лондон - Полицајци гледале како се движат предмети

„Во собата почнаа да летаат предмети насекаде. Јас стоев во аголот и гледав преку објективот на мојот фотоапарат. Можев да видам сè. Никој не ги фрлаше овие предмети“, тврди фотографот кој во 1970-тите ја направи фотката на која се гледа девојче кое лебди, наводно поради присуство на некоја натприродна сила. Колку вистина се крие во морничавата приказна според која е снимен филмот The Conjuring 2?

Ако сте го гледале The Conjuring 2, тогаш сте запознаени со приказната на семејството Хоџсон – мајка со четири деца чија куќа во Лондон наводно била опседната.

Филмот е снимен според вистински настан кој за многумина го потврдува постоењето на духови и слични натприродни сили, но за други е чиста измислица.

Според тврдењата на мајката, духот во куќата ја опседнал една од нејзините ќерки.

Три од четирите деца кои живееле во куќата со мајка им

Своевремено, во 1970-тите, случајот бил толку познат што во куќата отишле новинар и фотограф на британскиот медиум Daily Mirror. А, една од фотките го обиколи светот.

Фотографот Греам Морис бил во своите 20-ти кога со колега од Daily Mirror отишол во домот на семејството Хоџсон.

На популарната фотка се гледа како едно од девојчињата лебди. Иако голем дел од јавноста смета дека девојчето само скокнало, фотографот, кој денес има скоро 70 години, стои на ставот дека тоа лебдело.

Тој вели и дека девојчето имало моќ како телекинеза и дека целото искуство во куќата било застрашувачко.

Познатата фотка од „лебдењето“ на Џанет

Неодамна, тој изјави дека штом девојчето влегло во куќата, почнале да се случуваат чудни работи.

„Работи почнаа да летаат насекаде. Јас стоев во аголот и гледав преку мојот објектив. Можев да видам сè. Никој не ги фрлаше овие работи. Никој не правеше ништо. Не пробуваа да направат нешто за да се пошегуваат“.

Мислењето на јавноста до денес е поделено за вистинитоста на случајот, но приказната несомнено е забавна.

Четирите деца кои живееле во куќата

Па, што (наводно) се случувало во домот на семејството Хоџсон?

Во 1977-ма, Пеги Хоџсон живеела во Енфилд, Лондон со нејзините четири деца.

Во август истата година, таа се јавила во полиција со необична пријава – рекла дека покуќнината во домот се движела, а две од нејзините четири деца слушале тропање кое доаѓало од ѕидовите.

Децата кои ги слушале звуците биле 11-годишната Џенет и 13-годишната Маргарет.

Понова фотка од куќата

Пеги имала и два сина – 10-годишниот Џони и 7-годишниот Били, но тие наводно не слушале никакви звуци.

Бидејќи Пеги звучела преплашено, неколку полицајци го посетиле нејзиниот дом.

Наводно, и тие ги слушнале звуците, но не можеле да утврдат од каде доаѓале.

Фотка направена во мигот кога наводно се слушнало силно тропање

Еден полицаец изјавил и дека видел како еден стол се помрднал сам.

Стол кој наводно се превртел сам во детската соба на девојчињата

Во наредната година, бројни луѓе, вклучувајќи соседи, новинари, како и истражувачи на натприродни појави, изјавиле дека во куќата слушале гласови, гледале како предмети се движат сами, дури и предмети кои изгледале како некој да ги фрла.

Можеби најморничаво е тврдењето на некои лица дека ќерките на Пеги лебделе во воздухот.

Случајот го покривал британскиот магазин Daily Mirror, и тоа во периодот од 1977 до 1979 година.

Насловната страница на Daily Mirror на 10-ти септември 1977

Продолжува на следната страница...