Бизарна приказна: Сите детали за инфлуенсерката што лажела дека има рак на мозок и дека сама го лекувала

На нејзиниот Инстаграм профил, кој сега е избришан, Бел ги советуваше следбениците да не им веруваат на лекарите туку да го лекуваат ракот со алтернативи како здрава храна, па дури и пиење непастеризирано млеко – нешто што може да биде опасно.

Истовремено, таа ги советуваше следбениците да не примаат никакви вакцини.

Бел честопати истакнуваше дека доказ за нејзиниот природен третман е фактот што лекарите предвиделе дека ѝ остануваат неколку месеци живот, но таа не само што не умрела, туку и се чувствувала подобро од кога било.

Да нагласиме дека кога болести како ракот кога не се третираат соодветно, неретко последиците се фатални.

Бидејќи овие совети се наоѓаа во нејзината книга и нејзината апликација, луѓето кои почнаа да се сомневаат во неа почнаа да ја обвинуваат издавачката куќа, како и Apple што дозволиле преку нивни платформи да се шират дезинформации.

Во 2015-та, Apple ја тргна нејзината апликација од App Store, а како причина наведе „технички проблеми“.

По некое време, и издавачката куќа ја повлече книгата од продажба, признавајќи дека тврдењата на инфлуенсерката за нејзината здравствена состојба и нејзините совети за здравје не биле проверени.

Благодарение на неколку истражувачки новинари од Австралија, беше откриена и вистината – Бел никогаш немала рак. Притоа, користела туѓи искуства со болеста и ги прераскажувала како свои.

Следбениците почнаа да ја напаѓаат во коментари на Фејсбук и Инстаграм, но Бел ги бришеше сите критики.

Со ова, пак, си создаде уште полош публицитет. На крај, ги избриша сите објави од нејзините профили, а подоцна ги деактивира и самите профили.

Во април 2015-та, Бел конечно и самата призна дека лажела за болеста, но проба да се направи жртва.

Во интервју за австралиски медиум, Бел тврдеше дека за сè се виновни нејзините родители. Односно, била запоставена од нив и морала да се грижи сама за себе уште од 5-годишна возраст.

Притоа, не покажуваше ни трошка каење за нејзините лаги кои некои луѓе можеби ги чинеле живот.

Во следни интервјуа, Бел не престануваше со лагите, па почна да тврди и дека нејзиниот брат имал аутизам.

По некое време, Бел заврши и на суд и во 2017-та ѝ беше изречена парична казна од 410.000 долари.

Познато е дека до 2020-та не ја платила казната бидејќи практично банкротирала, а не е познато дали досега го исплатила долгот.

Не се знае колку луѓе настрадале од опасните совети на Бел, но нејзината приказна е дефинитивно е доказ дека не треба слепо да веруваме во сè што гледаме на социјалните мрежи, без разлика колку добро ни звучи.

Спирова С. | Црнобело