Тешкиот живот на мајката на Џеф Безос – Го родила на 16 години, немала пари

И покрај тешкотиите, Џеклин никогаш не се откажала од образованието.

Работела, се грижела за бебето и посетувала вечерно училиште.

Секој ден излегувала од станот со две чанти и едно дете. Во едната чанта ги носела своите книги, а шишињата и пелените потребни за Џеф во другата.

На еден од нејзините часови, Џеклин го запознала нејзиниот иден сопруг, Мајк Безос, кој сега Џеф го смета за свој вистински татко.

Кога Мајк добил работа поради која семејството морало да се пресели, Џеклин морала да се откаже од сонот да дипломира, барем во наредните неколку години.

По неколку децении, Џеклин се вратила на училиште и конечно го завршила своето образование.

„Имав 40 години кога дипломирав и се чувствував како да сум пораснала за глава“, има изјавено таа.

Џеф Безос многупати има кажано дека премногу се гордее со својата мајка и дека таа е жената која најмногу го инспирира.

С. Ш. | Црнобело