9 совети за преживување во кои не треба да верувате (може да ве чинат живот)

Мит 5: Ако видите мечка, глумете дека сте мртви

Ако забележите мечка, немојте да се преправате дека сте мртви.

Најдобро решение е да се обидете полека да се оддалечите и да не ја губите мечката од вид.

На тој начин ќе покажете дека немате намера да ја заземете нејзината територија.

Сепак, ова зависи и од видот на мечката - некои видови ќе ве нападнат ако глумите мртви.

Затоа, најдобро е прво да истражете какви мечки има во областа во којашто планирате да се движите.

Мит 6: Ако животните јадат некои плодови, тогаш се безбедни и за вас

Факт е дека постојат голем број печурки и плодови што не се отровни за животните и птиците, но се отровни за човекот.

Затоа не ставајте во уста никаков плод за кој не сте сигурни дека не е отровен.

Мит 7: Ориентирајте се според мовта на дрвјата

Не е точно дека мовта расте само на северната страна на дрвјата. Вистината е дека во зависност од временските услови мовта може да расте на сите страни од дрвјата.

За точна ориентација најдобро е да се потпрете на компас.

Мит 8: Ако добиете хипотермија треба да влезете во када со топла вода

Премрзнатите делови од телото не треба да се тријат, затоа што можете уште повеќе да ги оштетите.

Исто така, не треба да користите вода или греалка за да ја затоплите личноста што е премрзната, затоа што на тој начин предизвикувате шок. Најдобро е личноста постепено да се стопли со ќебиња и шишиња со топла вода под пазувите.

Мит 9: За да избегнете напад од ајкула, удрете ја по носот

Вистината е дека голем број луѓе немаат доволно сила за да ја повредат ајкулата, а уште помалку тоа можат да го направат под вода.

Најдобро решение е да ставите некој тврд предмет меѓу вас и ајкулата, како маска за нуркање или даска за сурфање. Или, доколку треба да ја удрите, насочете го ударот кон жабрите или очите - места кои се чувствителни.

Б. С. Б. | Црнобело