Жени откриваат – Со какви изговори мажите ги избегнуваат обврските низ домот?

„Бившиот ми рече дека ја отпуштил хигиеничарката од неговиот дом бидејќи сега ме имал мене. Му се изнасмеав и му раскинав“.

Во минатото, кога жените немале ни право да одат на работа, тие се грижеле за домот и децата.

Но, иако денес ситуацијата е променета и жените работат со полно работно време, се чини дека сите домашни обврски сепак се нивен товар.

Бројни жени имаат проблем со партнери кои не сакаат да измијат ни една чинија, а секогаш имаат и „генијални“ изговори за тоа.

Корисник на Редит ги прашал жените какви изговори користат нивните (поранешни) партнери за да ги избегнат домашните обврски како чистење.

Дел од одговорите во продолжение:

„Еден маж кој го познавам (за среќа не е мојот партнер) рече дека никогаш не помагал со готвењето бидејќи неговото време било многу вредно“.

„Бившиот партнер ми рече дека ја отпуштил хигиеничарката од неговиот дом бидејќи сега ме имал мене. Му се изнасмеав во лице и му реков да ѝ се јави, да ѝ се извини и да ја моли да се врати на работа.

Потоа раскинав со него бидејќи очигледно тој сакал мајка, а не партнерка“.

„Ми рече: ’Не можев да направам вечера бидејќи бев излезен со пријател. Не би ме разбрала, бидејќи јас имам живот (аз разлика од тебе)'.

Генерално, секојпат изговор му беше дека тој има повеќе пријатели од мене. Но, со ниту еден пријател не се дружеше повеќе од година-две“.

„Кога се разведував од бившиот, тој му рече на судијата дека не сум го капела бебето доволно, па затоа требало да му го доделат старателството нему.

Кога судијата го праша зошто тој не го капел, бившиот рече дека не го разбрал прашањето. Буквално беше збунет бидејќи не му било јасно дека и татковците можат да ги капат децата“.

„Бившиот ми кажа дека не знаел како да вклучи машина за перење облека. Исто така, велеше дека мажите и жените имале различен вид, па мажите не можеле да видат што требало да се исчисти и затоа не чистеле“.

„Порано редовно готвев за бившиот и за мене. Кога го замолував да ми помогне со чистењето на кујната, одбиваше.

Кога еднаш го прашав зошто не сака да ми помогне, ми рече ’Ти треба да ги измиеш тавите и тенџерињата бидејќи ти ги извалка‘, без разлика што ги извалкав за да му направам вечера која лакомо ја јадеше“.

„Бившиот ми велеше дека не сака да помага со домашните обврски бидејќи иако и двајцата работевме по 40 часа неделно, мојата канцеларија била поблиску до дома. Па, јас сум имала повеќе време и требало јас да чистам“.

„Бил изморен, не спиел добро… Јас сум во деветтиот месец од бременоста!“

„Мојот сопруг, кој е индустриски инженер, не можел да ја вклучи машината за садови бидејќи ’не знаел како работи‘“.

Спирова С. | Црнобело