Низ илустрации: Стереотипи за мажите и жените кои е време да ги заборавиме

Мажите не треба да се жалат

Ова е мошне токсичен стереотип според кој мажите не треба да се жалат ни за физичка, ни за емотивна болка.

Жалењето за болка, па и каков било проблем, не е знак на слабост и треба да престанеме да ги условуваме мажите „да страдаат во тишина“.

Сите убави жени се материјалисти

Само затоа што жената изгледа убаво, се облекува убаво и води грижа за себе, не значи дека е на мисија да си најде богат партнер.

Постојат и мажи и жени за кои најважно нешто се материјалните работи, но ова нема никаква врска со нивниот изглед.

Убавите жени се глупави

Многу жени биле потценувани, неретко и од други жени, само поради нивниот изглед.

Интелигенцијата и изгледот не се воопшто поврзани и само затоа што некоја жена е атрактивна, не значи дека е глупава.

Што значи, мора да престанеме да судиме според изгледот.

Жените сонуваат за брак, а мажите за слобода

Со овој стереотип, како да се губи смислата на бракот.

Ако секој маж сонува да биде „вечен ерген“, тогаш зошто воопшто мажите стапуваат во брак?

Постојат мажи кои сакаат да стапат во брак, како и мажи кои не сакаат.

Истото важи и за жените.

Постојат „машки“ и „женски“ професии

За жал, уште живееме во општество каде што професиите се делат на „машки“ и „женски“.

Ако сака, секој маж може да биде козметичар, а секоја жена да биде автомеханичар.

Полот нема влијание врз тоа колку добро ќе си ја завршат работата.

Спирова С. | Црнобело