Митови за преживување во кои веруваме заради филмовите, а не треба

Зошто не треба да верувате во советите за преживување што ги гледате на телевизија? Во кои случаи зовриената вода е безбедна за пиење?

Колкупати ви се случило да гледате филмови и да си помислите дека она што таму го прават главните херои е сосема безбедно и дека сега знаете што треба да направите ако случајно се најдете во слична ситуација?

Верувале или не, можно е постапката што сте ја виделе да биде само мит и воопшто да нема никаква вистина во неа.

Дополнително, во филмовите не ги објаснуваат ситните детали, што лесно може да ве чинат живот.

Во кои филмски митови за преживување не треба да верувате?

За да се стоплите можете да запалите оган и во пештера

На прв поглед оваа идеја ви се чини мошне безбедна, или романтична… Но, вистината е дека високата температура од огнот ќе ги затопли ѕидовите и тие може да почнат да се шират.

Заради ова, можнa е појава на одрони во пештерата.

Затоа, оган може да се пали само на отворен простор.

Можете да јадете свежо уловена незготвена риба или месо

Филмовите не ви прикажуваат како изгледаат инфекциите и труењето предизвикано од бактериите и микроорганизмите во суровото месо.

Ако се најдете во дивина каде што немате пристап до болница или медицинска помош, не смеете да ризикувате и да консумирате сурово месо.

Во најмала рака, неопходно е месото да се испече пред да го консумирате.

Гледањето емисии за преживување ќе ве подготви за вистинска авантура во дивината

Кога гледате реални шоуа за преживување треба да се присетите дека на нив работи цел тим, и постојано има луѓе што се таму со цел да пружат помош.

Исто така, постојат режисери, продуценти и сценаристи чијашто цел е да направат емисијата да изгледа поатрактивна.

Тоа што ги гледате документарните филмови за преживување не ве подготвува за живот во дивина.

Сварената вода е безбедна за пиење

Вриењето на водата може да ги убие бактериите, но нема да ги отстрани другите штетни елементи. Водата од мочуриште никогаш нема да биде безбедна за пиење, без разлика на тоа колку ја вриете.

Неопходно е таа прво да се филтрира со помош на чиста ткаенина и да се отстранат штетните елементи, па потоа да се врие.

Продолжува на следната страница...