6 животни лекции од „Кралот лав“ што се релевантни и 30 години подоцна

Треба да ги почитуваме сите, а кога ќе направиме грешка, треба да си ја признаеме, да научиме од неа и, најважно, да си простиме.

Поминаа точно три децении од премиерата на Кралот лав, а цртаниот филм до денес е еден меѓу омилените на јавноста.

Покрај забавната приказна, цртаниот изобилува и со мудри цитати и совети кои можеме да ги примениме и во реалноста.

6-те животни лекции од Кралот лав кои се релевантни и денес:

Треба да ги почитуваме сите

Муфаса е крал, но уште не почетокот го учи Симба да биде понизен и да им покажува почит на сите:

„Сè што гледаш, постои заедно во хармонија.

Како крал, ти треба да ја разбереш таа хармонија и да ги почитуваш сите суштества – од мравките до антилопите“.

Саканите што сме ги изгубиле продолжуваат да живеат во нас

Еден од најтажните моменти во цртаниот е смртта на Муфаса.

Но, можеби уште поемотивен e мигот кога мајмунот Рафики му кажува на Симба дека татко му, иако е мртов, сепак е со него бидејќи живее во него преку сеќавањата и лекциите што му ги кажал.

Семејство можат да бидат и личности со кои не сме крвно поврзани

Откако Симба е присилен да го напушти својот дом по смртта на татко му, тој ги запознава Тимон и Пумба.

И, тие брзо му стануваат пријатели, но и многу повеќе од тоа.

Симба расте со нив и тие му стануваат семејство, без разлика што не се крвно поврзани, па се дури i разни видови на животни.

Што значи, како семејство можете да ги гледате и луѓето кои не ви се никакви роднини, но биле покрај вас и во добро и во лошо.

Не треба да заборавиме да се забавуваме

Заразната песна на Тимон и Пумба – Hakuna Matata – е одлична животна филозофија.

Како што откриваат и тие, насловот значи „Без грижи“ или „Не грижи се“.

Секако, не треба да ги запоставуваме обврските во животот, но не треба да заборавиме и да бидеме безгрижни, да си дозволиме да се релаксираме и да не заборавиме дека дури и да сме во лоша ситуација, и тоа ќе помине.

Важно е да си простиме

Скар успева да го убеди Симба дека тој е виновен за смртта на Муфаса.

И, нормално, Симба се обвинува самиот и постојано чувствува вина, и тоа не само за татко му, туку и затоа што избегал од домот.

Иако му треба многу време, на крај Симба учи да си прости и се чувствува многу подобро.

Никој не е имун на грешки и кога-тогаш сите ќе направиме и по некоја навистина голема.

И, тоа е во ред, сè додека си ја признаете грешката, научите нешто од неа и, најважно, си простите.

Лошите луѓе се подготвени да ги предадат и најблиските

Интересно е што во многу култури, вклучувајќи и кај нас, хиените се синоним и за подмолни луѓе.

Па, не залудно овие животни се одбрани едни од за негативците во Кралот лав

И, низ цртаниот постојано сведочиме на нивната подмолност.

На крај, тие се свртуваат и против Скар, откако сфаќаат дека ја изгуби битката против Симба, а со тоа и тронот.

Па, штом забележите дека некој е злобен и подмолен, никогаш немојте да му верувате.

Спирова С. | Црнобело