Идеи за креативни подароци за на мекици (фото)

Ако сакате да подарите уникатен подарок на мекици за новородено бебе, имаме неколку идеи - од корпи со козметика, до гајба со оригинално закачени парчиња облека, чорапчиња и додатоци. 

Секако дека е сосема во ред доколку на мекици за прослава на новородено дете отидете со благо, пијалак и можеби некоја ситница за бебето. 

Но, како и со многу други работи, така и за ова, во последно време многумина си ја пронаоѓаат креативната страна и прават необични пакетчиња спакувани на уникатен начин. 

Па, доколку немате идеја, а се работи за блиски луѓе и сакате подарокот да биде нешто повпечатливо или пак, ако знаете дека нема во скоро време да го видите бебето, тогаш е прифатливо и да однесете пооригинален подарок. 

Доколку се двоумите, во продолжение погледнете неколку идеи и инспирирајте се или направете комбинација по ваш избор и желба:

• Корпа со производи за козметика за бебе (од бренд кој знаете дека родителите ќе го користат)
• Гајба со рачка на која ќе бидат закачени неколку парчиња облека и чорапчиња, а внатре наполнета со ситници за бебето, бележници за секој месец итн.
• Кутија или корпа со тетра пелени, ќебенце, чорапчиња и други ситни додатоци украсени со мала играчка
• Убаво спакуван сет прибор за јадење или други додатоци кои бебето ќе може да ги користи малку понатаму (ако родителите имаат сè за првата фаза)
• Кутија со неколку ситници за бебето (ќебенце, глодалка, држач за цуцла), но и мини подароци за мајката (шолја за кафе, благо, свеќа, нешто за релаксација)

Фотки од уникатни пакувања за подароци за новородено бебе кои може да ви послужат како идеја за „направи сам“ или за да покажете пример во цвеќарница:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

M. M. | Црнобело