Разделбата на Чарлс и Дијана, пожар во замокот: Зошто 1992-ра била најлоша година за кралицата Елизабета?

Беше откриена аферата на принцезата Дијана и Џејмс Гилби

Во 1992 година, британските медиуми објавија транскрипција од телефонски разговор помеѓу принцезата Дијана и Џејмс Гилби кој беше доволен доказ дека имаат афера.

Во разговорот, принцезата вели дека се плаши дека е бремена и дека доколу е, сака да абортира.

Сепак, еуфоријата околу овој телефонски разговор брзо спласна, бидејќи веќе следната година во јавност се појави телефонскиот разговор помеѓу Чарлс и Камила што ја потврдува нивната афера.

Чарлс и Дијана се разделија

По многуте скандали, на крајот од 1992 година, официјално беше најавена разделбата на принцот Чарлс и принцезата Дијана.

На најавата ѝ претходеа бројни шпекулации дека на кралскиот брак му се ближи крајот.

Чарлс и Дијана го финализираа разводот во 1996-та, а околу една година подоцна, принцезата загина.

Пожар во замокот Виндзор

Околу еден месец пред Чарлс и Дијана да ја најават разделбата, во замокот Виндзор избувна пожар.

Пожарот горел дури 15 часа и предизвикал штета во вредност од 47,5 милиони долари.

Замокот, кој има историска вредност, е изграден во далечната 1070 година, а во пожарот изгореле и бројни уметнички дела.

Кога дојде време за реновирање, јавноста почна да дебатира за тоа дали трошоците ќе паднат на грбот на граѓаните.

Односно, бидејќи замокот не е во сопственост на владетелот, туку на монархијата воопшто, трошоците за реновирањето би требало да бидат покриени од даноците што ги плаќаат Британците.

Ова ја поттикна дебатата за тоа дали британското кралско семејство е преголем трошок за „обичните“ граѓани.

Но, кралицата најде решение (донекаде) – првпат ја отвори Бакингемската палата за јавноста, со цел да му ја покаже на народот нејзината историска вредност.

Притоа, се понуди да плаќа данок на приход – нешто што не е обврска на монархот.

Исто така, ја намали и листата на членови на кралското семејство кои се финансирани од парламентот.

Спирова С. | Црнобело