Неучтиви работи што треба да ги избегнувате во супермаркет (прават да делувате невоспитано)

Стоите премногу близу до луѓето пред вас

Кога чекате ред на каса, не мора да им „дишете во врат“ на оние кои се пред вас.

Повеќето луѓе не сакаат кога некој непознат им се доближува премногу.

Никој нема да ви го земе редот ако држите соодветно растојание.

Не ги контролирате вашите деца

Не дозволувајте вашето дете да се бутка во другите, да вика на цел глас и главно да се однесува невоспитано.

Секако, сите имаат разбирање кога станува збор за деца, но сепак потрудете се да го контролирате.

Не ги враќате продуктите на соодветното место

Ако се премислите за нешто, потрудете се да го вратите од каде што сте го зеле.

Ако сите оставаат продукти каде што ќе им текне, во маркетот ќе настане хаос.

Зборувате на телефон додека плаќате

Дури и ако станува збор за итен повик, сигурно може да почека 2-3 минути, додека да платите.

Ако зборувате на телефон додека плаќате, сигурно ќе се задржите повеќе и другите купувачи ќе треба да ве чекаат подолго.

Спирова С. | Црнобело